陳豪自爆曾狂蒲夜店荒唐歲月

·1 分鐘文章
星島日報相片
星島日報相片

【星島日報報道】邵氏兄弟訪談節目《Tiger's Talk》添食由林盛斌(Bob)和伍詠薇主持,訪問了劇集《殺手》主角黎耀祥和陳豪。陳豪自爆拍電影《晚九朝五》年代,幾乎每晚夜蒲,後來突然醒覺感到好浪費時間,於是180度變,自此冇再踏足夜場,努力拼搏。伍詠薇追問他是否大把女埋身?陳豪笑言永遠講就無敵,做就無力,自己溝唔到女,睇人溝女。 而祥仔笑言不愛夜蒲,人生中只去過一次Disco就以後不再去。問到貴為視帝常「萬歲」請客會否肉赤?祥仔說收工煞科頂多幾萬蚊,冇所謂,大家開心。伍詠薇稱拍檔演員中以羅家良最闊綽,祥仔說有位女演員久唔久先返 拍劇,一日外景放午飯搵附近名牌酒樓補幾千蚊出 食冇詐型,就係袁詠儀!又指張 健最興放低幾千蚊直接扣數好有型!文:娛樂組 ■陳豪與祥仔接受阿Bob和伍姑娘訪問,主持人仲激動到跳埋上沙發! ■陳豪在節目中大爆夜蒲舊事,祥仔則講各演員「萬歲」的趣事。 娛樂