陳錦鴻傳健康出問題 消瘦面黃近照曝光

陳錦鴻

曾經係無綫當紅小生嘅陳錦鴻,多年嚟演出唔少經典角色,當中包括《天地豪情》Johnny、《創世記》Michael、《老婆大人》葛國光及《團員》大豐收等等。因為囝囝嘅關係,佢選擇息影照顧囝囝,直至上年先復出與鄧萃雯合作拍ViuTV劇集《婚內情》。前兩日,網上流傳一條陳錦鴻與內地女星一齊拍片介紹自己嘅影片,片中穿西裝嘅錦鴻雖然面帶笑容,但比以往瘦削咗好多,甚至有唔少網民都留言關心佢嘅健康狀況。

陳錦鴻
陳錦鴻

有記者就此問過錦鴻太太,太太就話陳錦鴻現時身處內地,而且身體非常健康,不過的確比以前瘦削清減,其實角度問題都一樣有影響。另外,陳錦鴻亦有回應話自己好好,而家喺內地工作,幾個月後先返香港。聽到佢哋咁樣講,真係令人鬆一口氣呀!

【相關搜尋】陳錦鴻用五年教兒子如廁

陳錦鴻
陳錦鴻