陸永否認寸叻哥被「訓話」 貼文對唔住鮑姐同《踩過界》

【星島日報報道】鄭裕玲（嘟姐）、陸永和C君昨晚擔任《萬千星輝頒獎典禮》司儀，平時口齒伶俐的陸永，被指昨晚不在狀態，頻食螺絲又講錯《踩過界》劇名及叫錯鮑姐（鮑起靜）名等，搞到嘟姐都拎咪作狀扑陸永以示教訓。 期後有網民於討論區爆料謂，當陳百祥（阿叻）出場頒「最佳非戲劇組節目」時，阿叻自讚為人比較謙虛、和藹，陸永突然爆了一句：「你喺謙虛方面都好囂張。」全場隨即拍手爆笑，阿叻亦反擊：「囂張得過你？將人哋個節目改咗名。」返入後台，就有傳聞話陸永被「訓話」，甚至被人篤住個頭大聲鬧，更傳言有高層要陸永即時落場，多得嘟姐勸說做完個騷再算，陸永才有得繼續做司儀，但就話他再出來已沒表情及少說話。 陸永就傳聞回應謂傳聞純屬網民猜測，強調不存在寸叻哥一事，亦相信叻哥不覺得被寸。他指叻哥向來認叻不認謙虛，故對方自言謙虛和藹分明是搞笑，他只是順勢配合在其玩笑錦上添花。陸永亦謂完騷後不覺叻哥有異樣，希望叻哥還他一個清白，再賣口乖指叻哥絕無可能這樣小器。 另外，陸永今日更新社交平台，轉貼農夫跟嘟姐憑《DO姐再SHOPPING》取得最佳節目主持的捧獎照，留言：「多謝大家中（鍾）意 ＃do姐再shopping，做到一個大家中（鍾）意嘅節目真係會好開心嘅，畢竟幕後團隊真係好辛苦俾（畀）咗好多心機，更多謝呢個節目令到我地（哋）兩個夾咗十幾年嘅人，竟然喺步入中年嘅時候會遇到一個新拍檔，do姐，你走唔甩架喇！！」還為昨晚表現致歉：「＃尋晚我太多蝦look對唔住各位 ＃對唔住鮑姐 ＃對唔住踩過界」。 ＜iframe width="640" height="360" src="https://www.youtube.com/embed/rpjnPzJfG7o?list=PL6xnAvlFTCA1ahmCYJJndDWcet7qi2lr4" frameborder="0" allow="autoplay; encrypted-media" allowfullscreen＞＜/iframe＞

睇更多