隔離中慶生 潘靜文:好番晒!

·1 分鐘文章
潘靜文在社交網玩直播,精神不錯。
潘靜文在社交網玩直播,精神不錯。

「聲夢」潘靜文(Sherman)2月16日錄影《勁歌金曲》期間,證實確診新冠肺炎。經過約10日休息後,昨日24歲生日的她於社交網直播向粉絲報平安:「陰性嘞,好番晒,如無意外星期三(3月2日)就可以出關,不過我唔會周圍去,最多去買所需物資,同埋去我嘅燈箱打吓卡就會返屋企。」談到發病情形,她說﹕「好辛苦,每日只可以瞓覺、飲水同食藥,乜都做唔到!我有鼻塞、流鼻水、多痰同咳,冇發燒。(幾耐好番?)大概7日左右,本來我28號打第3針,依家唔知幾時先打!媽咪逼住煮嘢畀我食,哥哥特登買生日蛋糕返嚟畀我。(生日願望?)希望疫情快啲好轉。」

由於Sherman與家人同住,不少粉絲追問其家人情況如何,她說:「我喺房,佢哋喺廳,冇傳染畀佢哋,我每次去完洗手間,媽咪都會第一時間噴消毒槍。」她又勉勵確診者:「最緊要保持正能量,做啲令自己開心嘅嘢,多謝所有粉絲同藝人們嘅慰問。」另外,確診的林正峰則回覆記者查詢表示:「狀態良好,謝謝關心。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能