隱形億萬古惑佬 鄭伊健買地掃樓冧妻

經常被指係大細路的鄭伊健,先後同邵美琪、梁詠琪不敵七年之癢分手,情路兜轉廿一年先認定最愛是志趣相投的蒙嘉慧,13年更安排神秘婚禮步入婚姻殿堂甘 願被箍,簽紙畀拍拖七年的YoYo(蒙嘉慧)一個名分。 轉眼結婚六年,伊健對麵嫂寵愛有增無減,除咗兩 人喜好、睇法百分百match,賢慧YoYo對伊健父母照顧 周到更令她加晒分,令向來孝順的伊健安心讓她持 家,近日再開放財政,早前就買地掃樓冧妻,除買元朗 地皮給岳父養老,近日再以千萬買入白石角單位作投 資,已手持過億磚頭是隱形富豪的 他,事無大小都以太太意見行先,已經 生活無憂可安心做伊健背後女人享福的蒙嘉慧,點睇都係贏家!

 

撰文:東方新地 圖片:新傳媒圖片

延伸閱讀:

【安心偷食】蘇永康喺鄭秀文IG同網民開火:食花生因住哽親⋯

郭富城宣佈太太誕第二胎 「一家開開心心四人行!」

鄭伊健買地掃樓冧妻

13年在日本古堡酒店完婚,鄭伊健蒙嘉慧結婚轉眼六年,向來 性格低調的伊健,更完全被老婆融化,愈愛愈高調,早前舉行六場 演唱會,就激罕在台上多次公開多謝老婆:「佢從來唔打擾我,佢有 第二啲嘢做,要安排好父母嘅座位,又煮飯畀我食,咁我喺台上多 謝咁多人,而冇多謝我太太,就太唔公平!」愛的表現唔係得把 口,愛妻號伊健早前就買地掃樓冧老婆。17年前,伊健以太太蒙 嘉慧名義, 以千萬買下元朗地皮,計劃在地皮上起村屋給岳父安 享晚年。據知情者透露:「自從10年YoYo媽咪過身之後,YoYo 一直都好緊張照顧爸爸,伊健看在眼裡一樣好緊張,為咗想老 婆安心,佢專登買地起屋畀岳父養老,兩公婆一早做晒 search,嗰度亦有朋友買咗會喺度住,可以互相照應,伊健覺 得嗰度環境好清幽,好啱老人家養老,對岳父真係好有心!」

開完騷即入市

今年三月,伊健在紅館開完六場 個唱,隨即聽從老婆意見,以千 萬入市買入白石角雲匯一個三房 單位作投資,繼續買磚頭保值!
今年三月,伊健在紅館開完六場 個唱,隨即聽從老婆意見,以千 萬入市買入白石角雲匯一個三房 單位作投資,繼續買磚頭保值!

十指緊扣

鄭伊健
雖然忙做世界巡迴,不過,伊健一得閒就會同老婆外出拍拖,日前,兩公婆到跑馬地食麵,離開時十指緊扣非常恩愛。

醫院照顧蒙母

向來孝順的伊健,除了買地給岳父享福,對蒙嘉慧家 人早就照顧無微不至,早在07年,YoYo外婆癌病離 世,同年YoYo母親又患上癌症,令YoYo情緒大受打 擊,伊健除在身旁加以支持安慰,當時YoYo因要北上拍 劇,份屬男友的伊健,不辭勞苦每天去醫院照顧蒙母, 陪蒙母走完人生最後階段,令YoYo大為感動,早就認 定伊健可付託終身。

傍實老爺奶奶

鄭伊健
伊健開騷,蒙嘉慧除咗 晚晚到場支持,更負責 在後台打點,頭場她就 陪同伊健父母一齊睇 show,細心照顧周到。

買千萬元朗地皮

鄭伊健
愛妻號伊健更是廿四孝好女婿,17年便以YoYo名義,以千萬買入元朗地皮 給岳父養老。

 

持過億磚頭

鄭伊健
多年來,伊健愛買磚頭保值,更大都只買不賣,令他身家翻幾番暴漲不少,現時他和老婆YoYo手上共持有七個物業,身家以億計。

老婆話事

老公伊健早已手持過億物業,作為另一半YoYo當然得到最好保障。近日 伊健又出手入市,以千萬買入白石角雲匯一個三房單位作投資,不過今次有別 以往,買樓全由老婆話事。據知情者透露:「伊健對錢銀從來唔計較,佢本身 亦怕煩,一路以嚟賺到錢都係買磚頭保值,同YoYo結婚之後,投資方面都有聽老婆意見,之前揀買地皮唔買樓,都係因為YoYo覺得地皮升值能力更 高,其實依家好多嘢佢都畀YoYo話事,YoYo見呢排樓市稍微下調,覺得 係買樓好時機,佢同伊健睇法好似,所以就扑槌入市用嚟收租。」

伊健蒙嘉 慧喜好一致,難怪一起走過十三年 恩愛有增無減,幾時都咁閃!
伊健蒙嘉 慧喜好一致,難怪一起走過十三年 恩愛有增無減,幾時都咁閃!
雖然發現記者,不過伊健夫婦未 有迴避鏡頭,繼續手拖手行去攞 車,態度親切友善。
雖然發現記者,不過伊健夫婦未 有迴避鏡頭,繼續手拖手行去攞 車,態度親切友善。

有共識唔生

成功升呢做麵嫂,YoYo在伊健心中地位崇高毋庸置疑,呢位賢內 助更深明夫妻之道要以退為進,永遠支持老公做任何嘢!遇上貪玩伊健 她可以更貪玩,兩人由運動到打機,以至人生觀都相近,兩人早有共 識不生小孩,寧願把握時間享受二人世界,心知老公愛家人,未入門 YoYo就贏盡老爺奶奶歡心。據知情者透露:「YoYo好識照顧身邊 人,近年佢專心打理頭家,屋企大小事佢都安排得好好,特別係對 伊健父母照顧周到,呢方面係令伊健最放心嘅,好似家庭旅行咁, YoYo會做搞手,負責安排晒所有嘢,唔使伊健操心,每次家庭聚 會,佢又會好細心照顧晒身邊人,會逐一夾餸照顧好老爺奶奶 先,呢份細心體貼,老公當然感動!」

興奮翹老公
興奮翹老公

 

伊健
除咗拍拖食麵,日前兩人又結伴去咗尖沙咀K11撐枱腳,蒙嘉慧一落車就即刻翹住老公鄭伊健行,之後又突然紮紮跳比老公快步衝入商場,有老公陪實心情特別興奮!

古仔重金邀拍 《風雲3》

除咗一系列《古惑仔》電影大受歡迎,伊健98年同郭富城合拍電影 《風雲》,亦成為他電影代表作之 一,電影09年開拍續集,到近日古天樂再以天價邀伊健拍《風雲3》,實行同觀眾十年一聚。

黃金兄弟合體

鄭伊健
伊健跟陳小春、謝天華、錢嘉樂及林曉 峰等一班黃金兄弟在公在私都感情深厚,日前便合體為電影金像獎演出。
鄭伊健
拍拖時, YoYo已經深得伊健父母歡心,經常陪伊健返黃埔老家探父母。
鄭伊健
搬住南灣後,伊健不時會在寓所山徑跑步。

 

延伸閱讀:

陳茵媺驚喜賀老公48歲生日 陳豪甜蜜表情爆幸福!