電動車時代 世界再無車房仔

近日震撼本地模型界消息，係深水埗老牌模型店福利模型男當家「遠哥」突然過身。遠哥除了係模型店當家，另一身份係整車高手，遠哥離去亦令人想起小型車房將來難逃消失命運。

話說遠哥轉戰模型零售行業前，曾在汽車維修行業工作多年，後來因為有傷在身才退下火線。不過他對車仍有相當熱誠，佳話之一係接收森美用來做節目的福士貨Van，成為全港唯一一部老爺福士Van珍藏。

下載Yahoo財經APP

美股、外匯、加密貨幣免費即時報價，自選投資組合獲取相關新聞提示

整車或變I.T.行業

隨著汽車電腦化，近年車房行業已越來越難做。有搵食車司機曾直言，暫時有得揀仍會買日本貨Van，因為歐洲車已全面電子化，一旦壞咗普通車房唔識整，唯有到代理由專人用電腦check，不過零件維修費就甘得多，相比之下，日本貨Van仲可以拎去車房整慳一筆。

不過現時全球汽車業都全速進攻電動車市場，各大經濟體亦定下減排死線，決心全面淘汰汽油車，甚至混能車都可能無立足之地。電動車不論係歐洲車或日本車，無可避免會用全電腦化設計，而推進系統又與傳統油車係兩回事，傳統車房手藝在電動車維修上發揮空間將大減。在此大趨勢下，全球傳統車房就可能極速淘汰，日後就好像相機市場般，只餘下少數車房主打古董車維修而已。

傳統車房仔要轉型

車房仔消失亦會波及兩類人，一係唔太鍾意讀書嘅後生仔，以往唔想讀書學門手藝，整車係熱門選擇之一，但日後整車原來係I.T.行業，這門手藝就成為大學電腦系畢業生專利，不愛讀書後生仔就少了一項出路選擇。第二類人係編劇，以往本地影視作品登場的車房仔，往往離不開爛身爛勢兼爛口形象，但第日由I.T.人擔任車房仔，形象就要變為較斯文中帶點怕醜，可能會係Mirror EDEN、姜B等，就算ERROR 193「三哥」都未必做到新世代車房仔，再套用交通燈同吳準少傳統車房仔形象，只怕會被觀眾取笑追不上時代了。