【電影LOL】勁juicy奇案紀錄片Tiger King大熱 搞到殺人懸案重新開file

·3 分鐘文章

現實往往比電影電視更黑暗!Netflix早前推出一連8集紀錄片Tiger King,一推出旋即引起話題,仲有唔少美國名人包括Kim Kardashian、Cardi B同Jared Leto直頭扮成Tiger King,post埋相去自己ig,連特朗普都知道Tiger King,仲話邊個再改圖將佢個樣key落Tiger King度,要提告云云!

不過亦因為紀錄片爆紅,所以有唔少網民聯署要求特朗普特赦自稱Tiger King嘅Joe Exotic,到底佢做咗咩事咁爆?事緣佢有個古怪髮型,又係同性戀,又鍾意用槍解決問題,仲一次過同2個男人結婚。雖然事後揭發2個老公都係直男,一個為錢一個為毒品先同佢結婚,但本身咁千年一遇嘅外貌、行為及個性嘅組合已經令佢成為奧克拉荷馬州嘅名人,不過最爆都係以愛老虎之名開設動物園,養老虎做寵物!

成日搞好多出位嘢嘅Joe Exotic2016年走去競選總統,18年又走去選州長,高調嘅佢雖然有名有利,同時引嚟動保人士Carole Baskin嘅評撃,指Joe非法養老虎應該被取締。雖然Joe多次反駁Carole開設嘅動物中心雖然合法,不過本質上同佢個動物園無咩分別,就係咁2人展開咗多年爭鬥,最後Joe因為買兇殺Carole而被判入獄。

就咁睇Joe比較似邪牌,成個動物園嘅員工都同毒、犯罪有關,仲有唔少美女入邪教咁獻身賣命,不過紀錄片一出,大家反而同情起Joe,覺得佢有血有肉只係唔熟法例,又唔夠醒目,先會犯下大錯買兇殺人!觀眾睇到嘅Carole亦唔似係真正愛動物人士,只係識玩公關幫自己做靚個image,其實暗地最毒婦人心,仲好大嫌疑係有錢前夫失蹤主謀。多得Netflix,Carole周身唔得閒,因為前夫失蹤案會重新展開調查!

tk
tk

你以為睇Tiger King會係睇老虎保育紀錄片,其實養虎嗰班人先係重點,個個奇型怪狀,韓國婆媽劇都寫唔出咁狗血嘅劇情!既然真人真事咁juicy又咁多twist,大好故事無理由唔拍返個劇集版!因為Joe Exotic實在太有個性,連型男Orlando Bloom都開口話想飾演Joe,而Joe本人最想Brad Pitt飾演自己,可惜最後角色確定由同Joe Exotic有幾分相處嘅Nicolas Cage飾演!近年佢做過唔少狂人角色,本身個人亦有啲瘋狂特質,確實好適合飾演Tiger KIng Joe Exotic!

更多電影文章

【電影LOL.外語930】Irrfan Khan《少年Pi》以外的作品《美味情書》午餐愛的故事

【電影LOL】今個星期睇咩戲 《女神撞正基OL》《我們永不言棄》《EMMA:上流貴族》《野種》

【電影LOL】戲院難做 傳Amazon想收購AMC院線

電影LOL】荷里活大片改期 奇洛李維斯一年四套戲美夢幻滅

【電影LOL.第39屆香港電影金像獎】《少年的你》奪8獎成大贏家 太保周冬雨成影帝影后

【電影LOL】抗疫措施解禁 戲院重開 一文睇晒睇戲優惠