【電影LOL】《哈利波特》重啟?盛傳籌拍劇集版及20周年電影

·2 分鐘文章

內容為王嘅時代,片商華納眼見行家迪士尼為串流平台製作《星戰》外傳The Mandalorian大受歎迎,有意照辦煮碗為HBOmax製作內容增加訂閱人數,之前已確定為《權力遊戲》開拍外傳,依家考慮將全球大熱嘅《哈利波特》製作劇集。官方否認有關傳聞,但據知情人士透露計劃仍在初步階段。

據講現時仍處於同編劇寫手討論階段,傾下有咩新玩法。其實華納同HBOmax都唔係無隱憂,雖然公司立場有好大意欲開拍,話哂首部《哈利波特》電視劇一定夠聲勢,不過原作者J.K.羅琳就唔太熱衷,多次表示佢唔想再搞《哈利波特》project,加上《哈》前傳嘅《怪獸與牠們的產地》系列票房每況愈下,令華納擔心呢隻金蛋唔夠金。

加上J.K.羅琳早前因為「跨性別女性不是女性」言論得罪唔少人,連「哈利仔」丹尼爾烈格夫、「妙麗」愛瑪屈臣都唔撐,兩大《哈》粉線網站都同J.K.羅琳割席,仲呼籲唔好再幫襯官方商品,唔想俾錢羅琳賺。如果連fans都唔撐劇集版都幾頭痛!加上《哈》劇集需要大量特效,製作成本一定極高,華納贏面都係一半半。

成個電影業被受新冠疫情重創,未來一定會有大量重啟項目,預求穩穩陣陣賺錢,所以就算劇集開唔成,都好大機會拍電影續集!幾個星期前《哈》主要演員齊齊於視象會議中合體,宣佈即將為《哈》20週年有新搞作!

現階段估計會拍中年版《哈利波特》,暫時未知會接住2011年最後一集《哈利波特:死神的聖物Ⅱ》故事發展,定係以舞台劇《哈利波特—被詛咒的孩子(Harry Potter and the Cursed Child)》為藍本拍電影,無論邊一個版本,應該會以哈利個仔Albus做主角!

更多電影文章

【電影LOL】網民惡搞Pepe蛙變壞蛋 紀錄片Feels Good Man剖析「改邪歸正」之路

【電影LOL】拜登上台贈興?總統、第一夫人傳記片輪住拍 Dennis Quaid演列根

【電影LOL】牛年賀歲港產片 《狂舞派3》《不日成婚》《唐伯虎之偷天換日》有冇機會上畫?

【電影LOL】等睇《天竺鼠車車》?不如睇《屁屁偵探》劇場版頂吓癮

【電影LOL】電影評論學會大獎 《理大圍城》膺最佳電影 鞏俐奪最佳女演員

【電影LOL】迪士尼為《花木蘭》報名爭奧斯卡15大獎 劉亦菲甄子丹角逐影后男配角

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!