【電影LOL•外語930】新型肺炎帶走《冧歌有情人》 電影歌曲創作人

·3 分鐘文章

新型冠狀病毒肆虐全球,確診病情反應不一,部份人症狀輕微,部份人卻不幸病重甚至失去性命。著名樂隊Fountains of Wayne結他手Adam Schlesinger不幸因為新型肺炎離世,Adam曾為多套電影創作音樂及主題曲,包括為1996年湯漢斯首部導演及編劇電影《那一天傳奇》創作同名主題曲That Thing You Do!,歌曲獲提名金像獎奧斯卡及金球獎最佳原創歌曲。

今日想同大家重溫一套由Adam創作主題曲,由Marc Lawrence執導、Huge Grant及Drew Barrymore主演嘅愛情小品《冧歌有情人》。故事講述艾力(Huge Grant 飾)為80年代當紅男子偶像組合成員,可惜單飛後越撈越霉,今日只能淪落到二流夜店或公園為大媽表演,事業一沉不起。一日,突然收到深受樂迷歡迎嘅當紮小天后高歌娜(Haley Bennett飾)邀請他為她作曲,條件是須於幾日內完成。

久久未有創作嘅艾力對於邀約歡喜若狂,認為係翻身好時機,不過佢無把握寫出好歌詞。在苦無靈感之際,他遇上來為他種花淋水嘅蘇菲(Drew Barrymore 飾),蘇菲獨具作詞的天賦,令艾力驚為天人!蘇菲原來對寫作充滿熱誠,可惜大學時代戀上人渣教授,自此封筆唔再寫作,於家姐舖頭求求其其打扮工。

艾力極力懇請她為他作詞,蘇菲不情不願地與他合組成短期創作拍擋,一個彈,一個作,創作之間愛情油然而生,最後有情人終成眷屬!電影既然以音樂及歌詞為主題,當然穿插咗唔少歌曲,最爆笑係一開場Huge Grant重現80年代化妝造型、曲風嘅MV,中間就有小天后嘅表演(曲風造型都好有當年Britney Spears嘅影子!),而由Adam Schiesinger創作嘅主題曲Way Back into Love,於戲中可謂舉足輕重,貫穿整個戲軌,帶動故事發展。

由初期只有歌曲無歌詞,蘇菲隨意哼出歌詞引起艾力關注,為求寫好首歌艾力苦苦哀求蘇菲參與創作,兩人坐於鋼琴前先有機會互相認識繼而漸生情愫,創出輕快情歌交貨俾小天后,一心期待聽到冧歌,結果小天后將情歌改成印度風舞曲,大失所望之下造就艾力表演自彈自唱原版Way Back into Love,成為同蘇菲心意相通嘅契機,所以首主題曲對於《冧歌有情人》 幾咁重要!

Adam Schlesinger去年憑劇集Crazy Ex Girlfriend音樂,獲得艾美獎原創歌曲獎,可惜無情病魔將佢帶走,觀眾以後無緣欣賞到佢嘅作品。

更多電影文章

【電影LOL.巨星抗疫】沙士改編電影《世紀戰疫》 主角拍片教抗疫

【電影LOL•哥哥逝世17年】《霸王別姬》南韓台灣再現銀幕 香港觀眾無緣一睹風采

【電影LOL•留家抗疫】日劇《昨日的美食》拍電影版 未上畫先睇劇學整抗疫住家菜

【電影LOL】防疫措施下戲院關門 買咗飛可以點退票?

【電影LOL】今個星期睇咩戲! 《無痛斷捨離》《喋血戰士》《乾杯!清酒女流》