電影LOL︳《超音鼠2》開畫大賣 導演有意拍對家任天堂全明星game大電影

美國選擇與病毒共存,生活逐漸回復正常,戲院亦都重開一排,新片亦陸續上返正場,並且有唔錯成績。上周末開畫嘅《超音鼠大電影2》,頭3日北美票房一共7100萬,已經係第一集當地收入嘅一半。上集喺前年上映,受疫情影響戲院閂門,票房難免爭啲。本來《超音鼠大電影》造型一出,立即被鬧爆破壞童年回憶,好在片商派拉蒙從善如流立即大執,出到嚟fans收貨,口碑仲幾ok,算係前年淡市奇葩。能夠拍得成續集仲食到個勢,好難得。

有報導話,《超2》導演Jeff Fowler有意將另一隻game拍成電影,竟然係出品《超音鼠》嘅世嘉個死對頭任天堂嘅《任天堂明星大亂鬥》。《任》係名符其實遊戲界嘅「明星賽」,有齊孖寶兄弟嘅瑪利奧、Final Fantasy、《寵物小精靈》、《街霸》甚至《拳王》角色,Jeff Fowler認為無嘢好得過可以放晒咁多角色喺同一套戲,尤其是想睇瑪利奧同超音鼠對決。

大乱闘
大乱闘

其實超音鼠都有出現喺《任天堂明星大亂鬥》,似乎唔係冇偈傾,但係Jeff Fowler都知道,《任》嘅唔同角色分別由多間公司擁有,要搞掂版權問題唔易,不過真係拆到嘅話,幾大都上!

大乱闘
大乱闘

話時話,以瑪利奧做主角嘅《孖寶兄弟》動畫片,預計年尾會上畫。遊戲公司會唔會睇完市場反應,再決定係咪發展一個比Marvel更誇張嘅角色宇宙?係的話,觀眾真係有排追。

更多電影文章

電影LOL︳又有佢份?尼古拉斯基治親認拍《奪面雙雄》續集

電影LOL︳禁錮一年變情侶 Netflix爭議之作365 Days拍續集 預告片曝光更多火辣床戲

電影LOL︳被爆迫女星上床換演出機會 日本導演園子溫寫信道歉

電影LOL︳《魔比剎》導演爆料 謝拉列圖投入殘障角色 去廁所都扶拐杖

電影LOL︳掌摑事件手尾長 Will Smith多套新片hold住唔郁

電影LOL︳《魔比剎》未上畫就負評如潮 連片尾彩蛋都被人插「史上最爛」

電影LOL︳67歲布斯韋利士患失語症影響認知能力 家人代宣布退出影壇

電影LOL︳奧斯卡懶人包 四大串流平台睇勻得獎作品《心之旋律》《犬山記》《王者世家》《神聖電視台》

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載