電影LOL︳成功將負評化成3億票房《超音鼠大電影》開續集掟錢搵巨星座陣

超音鼠大電影》早期因為超音鼠造型過份像真,前導預告片推出後引來一片負評,難得派拉蒙片廠用心聆聽觀眾意見,決定推遲片期重新製作,付出嘅心力及財力亦得到回報,《超》上映時破紀錄成為美國電腦玩戲改編最高票房電影,埋單全球收咗3億美元票房,而且評價極好!

首集上映後片廠即刻宣佈續集大計,近日推出預告片,原班人馬上陣之餘仲加入人氣角色塔爾斯(Tails)及納克魯斯(Knuckles)!今集講述超音鼠(班舒禾茲 聲演)回到綠山安頓之後,急於證明自己可以成為真正的英雄,不過因為衝動魯莽搞破壞多於建設。

今集超音鼠最大嘅考驗來自佢嘅死對頭──蛋頭博士(占基利 飾),上集被送到異次元外太空一樣有辦法重返地球作惡!今次蛋頭博士仲有強大新拍檔納克魯斯,到處搜尋蘊含強大破壞力量的神秘綠寶石!超音鼠和同伴塔爾斯為搶先壞人一步找出綠寶石走遍全球!

黃色雙尾嘅塔爾斯同超音鼠一樣咁快,對機械方面仲相當有領悟力,不過因為有2條尾嘅關係被同伴排擠,偶遇超音鼠後就跟隨住佢,成為跟班、拍檔嘅存在,電影搵返遊戲版聲優Colleen O’Shaughnessey聱演,game迷應該好受落。

而納克魯斯則由People選出最性感男士艾迪斯艾巴(Idris Elba)聲演!有睇開「超音鼠」都知道納克魯斯屬於力量型可惜頭腦簡單,喺遊戲版本中,早期設定納克魯斯被蛋頭博士欺騙先會幫佢手搵綠寶石同對付超音鼠,不過之後發現博士唔係好人,仲成為超音鼠好朋友!預告都見到佢打到超音鼠暈咗!

艾迪斯艾巴係超級英雄片常客,分別喺DC嘅《自殺特攻》中飾演血拳又喺《雷神奇俠》系列飾演守門人Heimdall,佢加入聲演納克魯斯令「超音鼠」陣容更豪華!至於佢會唔會喺《超2》就改邪歸正,定係留返伏筆拍《超3》就要下年4月上先知。

更多電影文章

電影LOL︳今期睇咩戲 美國女孩/赤BIG靈靈狗/一秒鐘 / 青春弒戀 / 驅魔高校 /Drive My Car

電影LOL︳《天能》大導Christopher Nolan轉會 群星拱照拍原子彈之父爆炸性秘聞

電影LOL︳爆肌舞男再現 《光豬舞壯士》拍第3集準備收山?

電影LOL︳賽車題材吸金勁 片商掟錢搶畢彼特新片搏做下套《狂野時速》

電影LOL︳極索邦女郎Ana De Armas踢走黑寡婦 新片拍美國隊長談情冒險

電影LOL︳又係改編!尼古拉伯爵助手故事照殺 《尚氣》Awkwafina拍尼古拉斯基治

電影LOL︳樊少皇演內地版Ironman《虛擬特攻》 中咗槍仲可以隻揪

電影LOL︳BL大熱!《如果30歲還是處男,似乎就能成為魔法師》拍電影版

電影LOL︳宮崎駿再次復出 新作《你想活出什麼的人生?》3年內有得睇

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載