電影LOL︳2021香港片票房十大 MIRROR成員佔2套 《蜘蛛俠:不戰無歸》吸金過億成年度冠軍

·3 分鐘文章

疫情持續,對各行各業造成影響,下月24日實行疫苗氣泡措施後,戲院生意恐怕將進一步受到打擊。根據香港影業協會及香港戲院商會旗下嘅香港票房有限公司總結2021年香港電影市道報告,喺無咗農曆年黃金檔期及限制50%入座率嘅情況下,總體成績比異常慘淡嘅2020年好,但仍然低於疫情前(2019年)總票房,香港戲院、電影人經營困難,連營運多年嘅UA院線都執埋。

2021年總共上映278部電影,香港電影佔46部,最高票房為仍在上映、收過6100萬嘅《梅豔芳》,第2位為香港殘奧選手蘇樺偉故事嘅《媽媽的神奇小子》,比《梅》差一大截,錄得2800萬票房。第3位為陳木勝導演遺作《怒火》,錄得2600萬票房。

10大最高收入香港電影中不乏年輕新導演,正面勵志廣受好評嘅《一秒拳王》排第5位,錄得接近1700萬票房。陳健朗首部執導作品《手捲煙》打入第7位,錄得800萬票房。而另一新晉導演李駿碩執導嘅《濁水漂流》於台灣金馬獎大放異彩獲得12個提名,香港亦得到高度評價,可惜票房不過不失錄得650萬。

仲未落畫嘅《假冒女團》憑住「教主」Anson Lo超人氣,打入10大成為第8位最高票房香港電影,暫時錄得780萬票房。另一Mirror成員Lokman主演嘅《狂舞派3》錄得870萬票房,排第6位。

外語片今年成績驕人,多部大片吸金力驚人,10大之中有一半都係Marvel出品,分別為排頭位、極速破億嘅《蜘蛛俠:不戰無歸》、第2位係被嫌男主角劉思慕唔靚仔,又話東方審美過時嘅《尚氣與十環幫傳記》,唔通因為梁朝偉、陳法拉撐起6300萬票房?同為Marvel出品嘅《永恆族》、《黑寡婦》分別排第4及5位,錄得5000萬及4900萬票房。即將加入Marvel大家庭嘅「毒魔」《毒魔:血戰大屠殺》則排第9位,錄得2800萬票房。

2021年有幾多大IP續集上映,例如Daniel Criag最後一次演占士邦嘅《007:生死有時》錄得5400萬票房排第3位。而另一受歡迎系列《F9狂野時速》錄得3400萬票房排第7位。10大之中唯一一套動畫《靈魂奇遇記》收獲3000萬票房,排名第8。

2022年陸續有超級英雄電影排住上,如果防疫措施放寬,叫座力理應不成問題。不過眼前比較關心賀歲檔,賀歲片較易有千萬票房,今年由「鏡仔」Edan主演嘅《闔家辣》及黃子華、Stephy主演嘅《飯氣攻心》都好吸引,希望今年香港電影總票房可以再高啲、高啲!

更多電影文章

電影LOL.今期睇咩戲︳G風暴 / 皇家特工:第一任務

電影LOL︳狂拍爛片「跑數」翻生 尼古拉斯基治新片瘋狂抽自己水

電影LOL︳澤東電影30年回顧短片《零點零一公分的距離》內地平台優先睇 點解同雞蛋有關?

電影LOL︳香港Netflix聖誕假收視榜十大 Matrix、蜘蛛俠舊片佔7席 榜首係呢套新片

電影LOL︳Matrix監製爆《復活次元》本來另有導演人選 拍續集不置可否

電影LOL︳《闔家辣》搶閘宣傳 Edan呂爵安再反白眼 自家製辣醬焫著全家

電影LOL︳奧斯卡公布初選入圍名單 中港台電影無緣角逐外語片

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能