【電影LOL】今個星期睇咩戲 《老豆死開一陣先》《決戰非常外公》《奪命守門人》《玩命直播》《劇場版 紫羅蘭永恆花園》

·4 分鐘文章

香港呢年實在發生太多不快事,搞到大家壓力大又心情鬱悶,所以有時間都想搵啲輕鬆小品笑下relax下。今個星期一次上兩套喜劇,日本片《老豆死開一陣先》直頭笑到頭痛,美國代表《決戰非常外公》睇「老而不」大戰後生仔,兩個世代互不相讓都幾過癮!

老豆死開一陣先

新生代可愛女神廣瀨鈴反叛少女上身,夥拍吉澤亮、堤真一、妻夫木聰、佐藤健等26位巨星超豪華陣容,一齊顛倒生死! 野畑七瀨(廣瀨鈴 飾)在樂團中擔任主唱,非常討厭老豆(堤真一 飾)的她經常Fing頭大唱「老豆去死啦」,點知願望竟然成真?老豆的製藥公司意外研發「假死兩天藥」,他親身試藥成功假死!公司內奸乘機串通外敵,想令他「假死」變「真死」!零存在感員工 (吉澤亮 飾)嘗試說服七瀨放下對老豆的憎恨、聯手阻止陰謀,他們最後能否成功令老豆唔駛死完又死?

賣點:5分鐘一粒日本大星串場,位位出場有驚喜!

《決戰非常外公》

家有一老,真係如有一寶?如果阿公住咗你間房,你就未必會咁講!

自從外婆過身後,彼得 (奧克斯弗格雷 飾) 的獨居外公阿迪 (羅拔迪尼路 飾) 鬱鬱寡歡,更意外「打刧超級市場」,令彼得的媽媽莎莉 (奧瑪花曼 飾) 十分擔心,最後說服了老父搬來與自己一家五口同住。但阿公的遷入卻令彼得被迫讓出自己的房間搬到天花板會漏水兼有老鼠的閣樓。一向是屋企小霸王的彼得,雖然很愛阿公但又不甘心,在好友們的搧風點火下,竟決定向阿公宣戰,誓要將外公趕走,搶回房間!

彼得宣戰日起一連串的惡作劇大整蠱,令阿迪由最初的掉以輕心激到老馬有火!為教訓「乖孫」,誠邀好友謝利 (基斯杜化華堅 飾) 、戴安娜 (珍茜摩爾 飾) 及丹尼組成「耆英復仇者聯盟」,齊齊展開大反擊,奇招盡出保住新竇口!古惑外孫遇上非常外公,大戰一觸即發,老人細路齊齊無面俾,一場惡鬥最後到底誰勝誰負?

賣點:羅拔迪尼路一係做教父,一係就做鬼馬外父外公,之前做個《PARTY冇限耆》嘅風流阿公,今次唔咸濕不過一樣失控!

《奪命守門人》

前海軍艾莉 (露比蘿絲 飾) 身負保護美國駐羅馬尼亞大使之責,在執行任務時被恐佈份子以火箭炮偷襲,大使一家不幸當場喪命,艾莉逃出生天卻患上創傷後遺症,退役後在紐約做著大廈門衛的工作。就在她打算從此遠離殺戮,平靜地過活時,偶然聽到了僱傭兵首領(尚連奴 飾) 與同伴打算不擇手段的破壞大廈,以取回隱藏在建築物中的珍貴藝術品,而這幅藝術品就隱藏在大廈房間的深處…

賣點:拍過《哥斯拉》嘅北村龍平夥拍型格「蝙蝠女」露比蘿絲,動作場面夠爽快可惜劇情拖泥帶水。

《劇場版 紫羅蘭永恆花園》

戰後成為了「自動手記人偶」薇爾莉特·艾佛加登,一邊接受委託人代筆書寫信件的工作,一邊尋找戰爭中失蹤的基爾伯特少校,再次展開感動人心的故事。

賣點:虐心催淚愛情物語。

《玩命直播》

VLOG網紅高爾,一向敢作敢為,大膽挑戰極限,深受網民歡迎。一班好友為他安排最新的驚險挑戰,遠赴莫斯科,參加度身訂造的「密室逃脫」遊戲。誰知,遊戲越玩越激、機關越出越狠。真假難分。眾人又能否逃出密室,智破危險血陣?

賣點:同2016年美國電影《極限挑機》有咩分別?血腥啲?

更多電影文章

【電影LOL】Cinema City半夜澄清 否認上映撐警片《時代》

【電影LOL】《狂野時速》拍埋第11集收工 想搵呢位男神助陣埋尾

【電影LOL】日本漫畫真人版電影《碧藍之海》 賣點竟然係「保證睇到靚仔露鳥」?!

【電影LOL】抗爭運動做背景 《時代》預告片出爐睇到有黑人問號

【電影LOL】選美題材影視精選 呢套Netflix劇爆過Emily in Paris居然要腰斬?

【電影LOL】楊千嬅出紀錄片回顧人生 呢班巨星嘅紀錄片講奮鬥史講埋政治