【電影LOL.巨星抗疫】沙士改編電影《世紀戰疫》 主角拍片教抗疫

·3 分鐘文章

新冠肺炎面前人人平等,就算有頭有面都不能置身事外。英國皇儲查理斯王子、英國首相約翰遜及影星湯漢斯夫婦等人都確診。名人中招得到廣泛媒體報導,有助增加一般民眾對於疫情嘅關注度,或許能夠等大家提高警覺。唔少名人都就事件發聲呼籲民眾不能掉以輕心。

其中一眾參演過2011年由史堤芬蘇德堡執導嘅《世紀戰疫》,參演嘅荷里活影星近日化身抗疫大使,拍埋宣傳短片建議大家如何減低受感染風險。電影《世紀戰疫》以2003年SARS為藍本,講述一種傳播性極強、經空氣傳播嘅致命病毒爆發,隨住疫情一發不可收拾,世界各地嘅醫療專家都在爭分奪秒尋求治療方法。

當中牽涉不少政治因素,例如為避免引起公眾恐慌而對外宣佈痛毒嘅毒性,醫生ErIn(Kate Winslet飾)努力防止病情傳播設立隔離房間,可惜制度下政府預算比人命重要而遭否決。

另一方面,香港有村民為求疫苗而綁架嘅病毒專家Leonora(Marion Cotillard飾),為咗贖人竟然罔顧老弱婦孺安危以興奮劑代疫苗,仲理直氣壯話唔會屈服於綁架者!普羅大眾因為疫苗不足大打出手,有病無人理,高官們就無病都獲派解藥!

被封城但連糧食都不足以俾受困居民,結果平民如Mitch(Matt Damon飾)只能自行解救,以槍傍身,謝絕任何接觸以保護女兒。僵化又自私嘅官僚阻礙控制疫情外,最受害始終係一眾醫護及平民。

明明套戲睇到人心灰意冷,偏偏成為新冠病毒全球蔓延期間,最多人收睇嘅電影,佔據各大串流平台收視榜頭幾位!美國哥倫比亞公共衛生局(Columbia Public Health) 決定邀請片中主要演員包括Matt Damon、Kate Winslet、Marian Cotillard、Laurence Fishburne及Jennifer Ehle拍片教大家抗疫。

幾位分別於短片中強調保持社交距離嘅重要,嚴格遵守家居隔離避免人群聚集,特別家有長者的話要份外小心,相信醫生及科學家嘅建議切勿輕視疫情,Kate Winslet仲有教大家如何正確洗手!5位影星一再強調《世紀戰疫》係虛構而新型冠狀病毒係真實嘅。而未成功研發出疫苗之前,別無他法,大家唯一可以做嘅就係減慢佢嘅傳播。

同一番說話唔少醫生都講過,唔知由班星再講多次會唔會入腦啲?計我話拍條片教人洗手,可能有用過唱加油打氣抗疫歌,唱《方艙醫院真神奇》一定幫唔到手囉!

【相關搜尋】10大瘟疫電影

==========

去片!

琪溫詩莉教洗手

麥迪文叫你聽專家講,唔好出街

更多電影文章

【電影LOL•哥哥逝世17年】《霸王別姬》南韓台灣再現銀幕 香港觀眾無緣一睹風采

【電影LOL•留家抗疫】日劇《昨日的美食》拍電影版 未上畫先睇劇學整抗疫住家菜

【電影LOL】防疫措施下戲院關門 買咗飛可以點退票?

【電影LOL】今個星期睇咩戲! 《無痛斷捨離》《喋血戰士》《乾杯!清酒女流》

【電影LOL】泰片《無痛斷捨離》 丟得走信物 丟唔丟到段回憶?

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能