【電影LOL】日本漫畫真人版電影《碧藍之海》 賣點竟然係「保證睇到靚仔露鳥」?!

·2 分鐘文章

大量日本漫晝被改編成真人版電視劇或電影,劇集有唔少收視亮眼,電影亦有唔少喺日本取得高票房。因為有市場,漫改電影題材越拍越多仲越拍越顛,今日介紹嘅真人版電影《碧藍之海》,賣點竟然係「保證睇到靚仔露下體」?!

曾獲選為日本大學生至愛漫畫No.1嘅《碧藍之海》銷量累計超過200萬部,自2014年起於Good!Afternoon連載,因為大受歡迎喺2018年推出動畫版。故事講述男主角北原伊織在升上大學後,寄宿在叔父所經營的潛水商店「GRAND BLUE」,並且與相隔十年不見的表姐妹-古手川奈奈華和古手川千紗同住一個屋簷下生活。

仲唔係陽光、海灘、戀愛嘅校園青春片?非也,主角幻想嘅大學生活,由踏入Grand Blue遇上大學潛水社團「Peek a Boo」一眾師兄後,青春純愛畫風從此走樣!北原伊織被社團前輩盯上,仲拉埋熱愛二次元世界的友人今村耕平落水,於是展開了一段結合潛水、裸體、酒精、打鬧、妄想、戀愛的荒謬大學生活。

漫畫男主角北原其實唔識游水,不過一班師兄懶理,單方面確認佢團員地位,反正「Peek a Boo」以潛水為名飲酒為實嘅團體,北原首次踏足Grand Blue撞正佢地聚會,以為成場沙灘型男索女,結果得到全祼師兄們嘅酒池肉林!從此被逼過住日日猜枚、除衫、飲酒嘅生活!

北原以聽日開學禮為由想飲少啲,結果酒無得避,不過班師兄極好人將飲醉嘅北原送到禮堂。於是第一日開學就全裸見同學!漫畫唔止爆笑癲喪情節,仲夾雜正經道理,所以先會大受歡迎!

真人版電影由《獸電戰隊強龍者》嘅龍星涼及《假面騎士》嘅犬飼貴丈主演,兩位小鮮肉喺面場大部份時間都係全裸任睇,初頭等埋位仲會著件浴袍,後來拍拍下索性唔著,拍完要著返衫反而唔慣咁話!戲中兩位男主角仲有全裸擁抱,犬飼大讚龍星涼好滑溜!

乃木坂46成員與田祐希飾演其中一位古手川姊妹,據聞放棄偶像包伏,投入狂放演出,搞到經理人公司出聲明道歉話對唔住自家藝人同fans咁話。好想知真人版尺度有幾開放囉!

更多電影文章

【電影LOL】抗爭運動做背景 《時代》預告片出爐睇到有黑人問號

【電影LOL】選美題材影視精選 呢套Netflix劇爆過Emily in Paris居然要腰斬?

【電影LOL】今個星期睇咩戲 《頭號殺姬》《蟲流感》《驚夢49天》《急先鋒》《逆權選美》

【電影LOL】楊千嬅出紀錄片回顧人生 呢班巨星嘅紀錄片講奮鬥史講埋政治

【電影LOL】大熱劇Emily in Paris女主角 3套Lily Colins走漏眼之作