【電影LOL】等睇《天竺鼠車車》?不如睇《屁屁偵探》劇場版頂吓癮

·2 分鐘文章

相信呢期唔少成年人深陷日本動畫《天竺鼠車車》可愛之中不能自拔,其實成人睇卡通片比小朋友更投入,好似之前上映嘅《數碼暴龍Last Evolution絆》場內唔少爸爸睇到流哂眼淚鼻涕,反而個細路好冷靜!

《天》暫時更新至第3集,等待新一集期間其實仲有唔少童界好物可以睇住先。好似喺幼稚園及小學生界大受歡迎嘅《屁屁偵探》就一口氣推出咗2部電影版(台譯:《咖哩香料事件》及《瓢蟲遺蹟之謎》),分別講述屁屁偵探幫餐廳老闆找尋失踪嘅咖哩粉,而《飄》仲出埋屁屁偵探爸爸屁屁丹迪,齊齊解開古遺蹟之謎,希望用遺蹟賽藏拯救受旱災之苦嘅點點村,查案以外仲有好多驚險動作場面!

《屁屁偵探》係由日本作家Troll(トロル)於2012年推出嘅兒童繪本,一出憑住主角三七髮型同生得似pat pat嘅外貌,旋即俘虜一眾小學生嘅心而大受歡迎,吸引小朋友除咗查案故事夠吸引外,相信同屁屁偵探嘅必殺技有關。佢每每喺危難之時講聲「唔好意思,失禮啦!」然後使出絕招-放屁!就能夠成功脫險!

高IQ、鍾意食甜品、怕辣、樂於助人同會放屁嘅設定,令一眾小朋友如痴如醉,對頭人「怪盜U」造型亦非常搶鏡,著lace恤衫黑色吊帶褲再加件有玫瑰圖案嘅披風,最有睇頭仲有佢個招牌屎型頭套!無錯,pat pat大戰poo poo,難怪班細路睇繪本已經笑到失控,大賣150萬本!大受歡迎嘅《屁》仲係2017年推出電視動畫版,成為收視率冠軍,

雖然又放屁又講poo poo,不過《屁屁偵探》簡單開心嘅故事中講道理,好似做人要有禮貌、幫助他人及思考解決問題嘅方法等等,今次電影版當然有講「屁屁偵探」點食嘢同點樣用放屁呢招脫身,圓滾滾嘅佢同「天竺鼠車車」一樣咁可愛,同樣咁治癒!

更多電影文章

【電影LOL】電影評論學會大獎 《理大圍城》膺最佳電影 鞏俐奪最佳女演員

【電影LOL】迪士尼為《花木蘭》報名爭奧斯卡15大獎 劉亦菲甄子丹角逐影后男配角

【電影LOL】Netflix大熱《柏捷頓家族:名門韻事》古裝浪漫床戲多多

【電影LOL】露骨短訊爆鍾意SM Armie Hammer驚傳性愛醜聞 辭演天后J.Lo 新片

【電影LOL】Netflix 年度大片巡禮 神奇女俠搭死侍拍動作喜劇有睇頭 眾星雲集Don’t Look Up災難變喜劇

【電影LOL】Marvel高層大爆動向 《黑豹》唔易角 死侍正式加入Marvel宇宙

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!