【電影LOL】網民惡搞Pepe蛙變壞蛋 紀錄片Feels Good Man剖析「改邪歸正」之路

·2 分鐘文章

其貌不揚甚至有啲醜嘅卡通人物Pepe蛙因為網路迷因(Meme)瘋傳,紅遍全球,香港人對佢亦相當熟悉,不過Pepe蛙形象喺美國同香港大相徑庭。導演Arthur Jones聯同監制Giorgio Angelini特別為Pepe蛙製作紀錄片Feels Good Man,拆解其因為網上爆紅而身份失控之謎。

Pepe蛙原本係漫畫家Matt Furie於2005年為漫畫Boy’s Club創作嘅角色,本來係無傷大雅、博君一笑嘅角色,推出後慢慢於美國網路論壇4Chan受到關注,越嚟越受歡迎,Pepe蛙被整成迷因圖得到廣傳,連明星Katy Perry同Nicki Minaj都有share。角色大紅本來係好事,直至2015年總統大選,Pepe蛙被惡搞畫成前美國總統特朗普,兼被特朗普喺Twitter貼出,Pepe蛙旋即出現於各大主流媒體報導之中。

事件持續發酵,一年之後Pepe蛙被化身成各種迷因繼續瘋轉,甚至被化身希特拉,本來輕鬆惹笑嘅漫畫角色喺美國無端變成極右主義代言人,象徵「白人至上」、「仇恨」及「暴力」!原作者Matt對此深感無奈,Jones及Angelini製作嘅Feels Good Man主力紀錄Pepe蛙如何從網絡海量訊息中重奪形象。

Matt Furie表示Pepe蛙本來只係悲傷快樂(Sad-Happy)及愛嘅象徵,節目走訪原作者同反誹謗聯盟(Anti-Defamation League)合作,發起拯救Pepe蛙(#SavePepe)行動,擺脫成為網絡仇狠符號、不過徒勞無功嘅過程。

電影為紀錄Pepe蛙嘅轉變過程,收錄大量迷因、GIF及動畫等,以及特朗普競選團隊特人,意外發現Pepe蛙對唔同受眾嘅意義。既然係紀錄Pepe蛙重奪形象過程,Feels Good Man尾段收錄咗Pepe蛙喺香港社會運動嘅象徵意義。

Feels Good Man已贏得包括辛丹斯電影節Emerging Filmmaker等4個電影獎項。導演Jones及監制Angelini近日於外媒The Hollywood Reporter訪問中談及希望藉Matt Furie與Pepe蛙嘅經歷,帶出大大小小嘅真相,觀眾認知網路生態強大嘅影響力,隨便負評、轉發其實破壞力驚人。

更多電影文章

【電影LOL】拜登上台贈興?總統、第一夫人傳記片輪住拍 Dennis Quaid演列根

【電影LOL】牛年賀歲港產片 《狂舞派3》《不日成婚》《唐伯虎之偷天換日》有冇機會上畫?

【電影LOL】等睇《天竺鼠車車》?不如睇《屁屁偵探》劇場版頂吓癮

【電影LOL】電影評論學會大獎 《理大圍城》膺最佳電影 鞏俐奪最佳女演員

【電影LOL】迪士尼為《花木蘭》報名爭奧斯卡15大獎 劉亦菲甄子丹角逐影后男配角

【電影LOL】Netflix大熱《柏捷頓家族:名門韻事》古裝浪漫床戲多多

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!