雅虎香港新聞 電影LOL︳《上流寄生族》導演奉俊昊拍科幻新片 男主角屬意新蝙蝠俠？
奉俊昊導演2年前憑《上流寄生族》橫掃奧斯卡成為金像大導後，呢期終於有新搞作。據外媒Deadline報導，奉導即將開拍科幻電影，更會同Brad Pitt嘅製作公司Plan B及華納影業合作。
電影改編自作家Edward Ashton下個月出版嘅最新小說《Mickey 7》，故事主人翁Mickey 7被派去人類殖民地Niflheim，隨時被犧牲，總係被委派高危或自殺式任務嘅探險隊成員。在執行任務中遇難後，Mickey大部份記憶會被注入新肉體，以複制人重生。
一次任務總部誤以為Mickey遇難，實則佢得到Niflheim居民幫助而存活，返回基地時卻發現自己已被Mickey 8取代。根據規定同一時間不能有2個Mickey同時存在，為咗生存Mickey 7必需要隱藏行踪伺機反抗！
故事貫切奉俊昊導演關心嘅議題，Mickey 7為人類執行艱辛任務，卻總係一次又一次被犧牲，核心離唔開講不同物種能否共存，以及人因為權力地位不同而待遇不公等等。電影將會係奉導繼《末日列車》（Snowpiercer）以及《玉子》（Okja）後第3部執導嘅英語電影。
消息指奉俊昊屬意電影由「新蝙蝠俠」羅拔柏迪臣（Robert Pattinson）擔任男主角，據Deadline報導2人舊年已就合作見面，講到似層層，不過官方就無出面確定消息真偽！
Robert Pattinson可謂華納愛將，主演由Nolan執導嘅《天能》，疫情期間力排眾議上映依然表現不俗，跟手又做「新蝙蝠俠」為華納DC系列邁出重啟第一步，最新發佈嘅電影海報夠靚夠吸引，睇得出華納落重本！接埋Mickey 7的話，Robert Pattionson直頭變成華納御用演員！又即管睇下3月上映嘅「新蝙蝠俠」能否不負眾望，評價票房雙贏，成為福將！
更多電影文章
電影LOL︳電影評論學會大獎《智齒》《殺出個黃昏》成大贏家 年度推薦片單多達十套創近年新高
電影LOL︳花姐都話正 台灣男神許光漢 新片有齊BL鬼怪推理喜劇元素
電影LOL︳X! 荷里活新勢力A24最新恐怖片 後生仔拍4仔變血腥大屠殺
電影LOL︳巨星班底轉人腳？「對稱大師」Wes Anderson搵男神Benedict拍新片
電影LOL︳真係靜靜雞贏 《無聲絕境》收得 同時開拍第3集同前傳
電影LOL︳鍊贏《艾蜜莉在巴黎》Lily Collins Rooney Mara 演柯德莉夏萍傳
電影LOL︳第79屆金球獎低調頒獎 《魷魚遊戲》001吳永秀奪最佳男配角 李政宰無緣視帝
電影LOL︳Chris Evans唔做美國隊長做監製 盛傳飾演Singing in the Rain男星Gene Kelly
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載
