電影LOL︳《我的野蠻女友》導演新作《緣來大飯店》係韓版Love Actually?

·2 分鐘文章

有一段時間好多愛情片都以多個故事段落互相交織,勝在節奏明快又多明星睇,最經典當然係英國電影《真的戀愛了》(Love Actually),可以話係西片版《家有囍事》,每年聖誕新年都要睇一次!

今個佳節假期韓國都有一套同一手法嘅愛情片,就係愛情片大導郭在容執導嘅A Year End Medley (台譯︰《緣來大飯店》)。郭導拍過《我的野蠻女友》等賣座大片,擅於鋪排劇情伏筆,臨尾先一嘢大爆發,睇到你要拎紙巾。(今次個彩蛋都相當估唔到!)

《緣來大飯店》由7段聖誕前發生喺酒店嘅愛情人情小故事組成,明星陣容有香港人熟悉嘅李光洙、潤娥、李楝旭等,相當鼎盛。各條線嘅設定都十分引人入勝︰考唔到公務員兼失戀嘅姜河那,打算入住酒店自行了結,但係同飾演酒店接線生嘅潤娥傾出人生希望;李楝旭係呢間酒店嘅CEO,遇上執房員元真兒,甚有「霸道總裁」故事況味;韓志旼飾演嘅酒店經理,以為暗戀多年嘅老友向佢表白,點知事情發展有落差。至於光洙就飾演經理人,猶疑住要唔要繼續同一手捧紅嘅歌手續約……電影唔止一味營造浪漫,其實都帶出各人面對逆境嘅應對方法,好適合年尾睇,為自己打打氣。

《緣來大飯店》喺韓國年尾檔期上映,成為當地本土電影票房冠軍,整體計只係輸俾《蜘蛛俠︰不勝無歸》同埋《皇家特工:第一任務》。台灣已經同步上映,呢類片喺香港絕對有市場,相信大家好快會睇到。

更多電影文章

電影LOL.今期睇咩戲︳G風暴 / 皇家特工:第一任務

電影LOL︳2021香港片票房十大 MIRROR成員佔2套 《蜘蛛俠:不戰無歸》吸金過億成年度冠軍

電影LOL︳狂拍爛片「跑數」翻生 尼古拉斯基治新片瘋狂抽自己水

電影LOL︳澤東電影30年回顧短片《零點零一公分的距離》內地平台優先睇 點解同雞蛋有關?

電影LOL︳香港Netflix聖誕假收視榜十大 Matrix、蜘蛛俠舊片佔7席 榜首係呢套新片

電影LOL︳Matrix監製爆《復活次元》本來另有導演人選 拍續集不置可否

電影LOL︳《闔家辣》搶閘宣傳 Edan呂爵安再反白眼 自家製辣醬焫著全家

電影LOL︳奧斯卡公布初選入圍名單 中港台電影無緣角逐外語片

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能