電影LOL︳《熊抱青春記》男團分拆出漫畫 下一步係當真男團咁捧挑機BTS?

荷里活近年4大玩法︰人物傳記、翻拍、續集、外傳!拍外傳最緊要名正言順,正如PIXAR將《光年正傳》設定為《反斗奇兵》一眾玩具嘅小主人Andy睇過嘅電影。而早前推出嘅《熊抱青春記》(Turning Red)入面,主角Mei Mei同班friend瘋狂熱愛嘅男團4*Town,據報會以漫畫形式分拆佢地嘅故事出嚟。

4*Town
4*Town

《熊抱青春記》以千禧年代為背景,當時因為Backstreet Boy紅透半邊天,衍生出唔少偶像男團。《熊》入面就創造咗一隊有5個成員但係叫4*Town嘅男團,連Mei Mei都唔明點解叫4*Town!呢隊男團由 Robaire、Jesse、Tae Young、Aaron T及Aaron Z組成,有睇套戲就知角色造型係向20年前嘅boy band致敬。更厲害係由Billie Ellish同哥哥Finneas為4*Town創作嘅3首歌,捉到晒當時Boy Band歌嘅神緒,歌詞都係情情塔塔,曲風易上口嗰啲呢。

4*Town
4*Town

4*Town一出反應唔錯,PIXAR決定搵漫畫家Kalfee動筆,創作漫畫《Disney and Pixar’s Turning Red: 4*Town 4*Real: The Manga》,以5位成員嘅明星生活同被fans狂追嘅日子為題材。根據twitter上所介紹嘅圖,呢套漫畫會以日系漫畫風格繪畫,相當有驚喜!預計下年春天有得睇。

4*Town
4*Town

PIXAR呢個project明顯係為4*Town「正式出道」試水溫,明星生活呢個題材喺動畫片似乎未有人做,將4*Town分拆發展成為電影聽落有新意亦有生意 - 一於當真男團咁做,日本興咗虛擬偶像咁多年,西方市場絕對試得過。加上《熊抱青春記》仲未有消息會拍續集,捧起4*Town頂住先唔出奇,到時可能人氣勁過BTS!

更多電影文章

電影LOL.今期睇咩戲︳光年正傳/失驚無神闖謎城/全謊位作戰/被消失的凶案/回到戀愛終結時

電影LOL︳《光年正傳》開畫票房失利 行內人估無望再現《反斗奇兵》系列佳績

電影LOL︳索爆邦女郎Ana演瑪莉蓮夢露傳記片 預告曝光 造型似到十足十!

電影LOL︳《小丑》續集兩大驚喜 Lady Gaga做小丑女 劇情片變歌舞片?

電影LOL︳劈炮唔做《狂野時速10》導演 林詣彬接拍真人版《一拳超人》

電影LOL︳Netflix正式宣佈《魷魚遊戲》第2季 導演爆新關鍵角色

電影LOL︳等足16年 The Rock演DC霸氣反派Black Adam 預告片登場

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能