電影LOL︳《盜火線》終於有續集 小說8月有得睇 隨時拍成電影網劇

·2 分鐘文章

曾被譽為「近代電影史上最偉大犯罪電影」、1995年上映嘅《盜火線》終於有續集?電影由米高曼執導,當年由2位影帝阿爾柏仙奴及羅拔迪尼路主演,加上莊威、韋基馬及仲係童星嘅Natalie Portman,影帝同場兼有硬淨動作場面,上映旋即大受好評,當年大收錄1億8700萬美金票房!

《盜》講述犯案累累的專業罪犯尼爾(羅拔迪尼路 飾),手法乾淨俐落且心狠手辣,令負責調查案件的洛杉磯重案組警探雲遜(阿爾柏仙奴 飾)束手無策。原本打算金盤洗手的尼爾,在最後一次搶劫行動中卻被夥伴出賣,造成尼爾的手下傷亡慘重。死裡逃生的尼爾決心向叛徒報復,同時雲遜亦追查到尼爾行蹤,誓要將他緝拿歸案。

戲中無論警探定大盜個個西裝骨骨,營造精英、智者印象,而且英雄通常事業愛情難以兼顧,大賊為愛人想金盤洗手回歸平淡嘅設定,雙雄對決於城市中追逐、槍戰嘅場面加上強調男人味等元素,聯想起港產《喋血雙雄》,類似形式更成為港產片招牌!大導基斯杜化路蘭都係《盜》迷,受訪時提及《蝙蝠俠:黑夜之神》多個場面受《盜》啟發!

好評又收得,不過電影未乘機開拍續集,上映至今超過25年終於有《盜》前傳及續集消息!編劇及導演米高曼將聯同Meg Gardiner撰寫延續《盜》後各個角色去向嘅全新小說。故事將交代各人嘅背景,以1995年《盜》為中心,講述事件發生6年前(1989年)嘅生活及事件發生7年後(2002年)各人嘅發展。

小說Heat 2預定今年8月發行,雖然以小說形式出世,不過米高曼除咗係名導亦係資深監製,監督作品包拾《極速傳奇:褔特決戰法拉利》(Ford V. Ferrari)、《街頭超人》(Hancock)等,有哂人脈經驗,連佢自已都想將Heat 2搬上大銀幕或改編成電視劇集。要將文字化成畫面絕對無難度,係差在幕前仲有無可能原班人馬,再次睇到阿爾柏仙奴同羅拔迪尼路繼2019年《愛爾蘭人》(The Irishman)後同場鬥戲!

更多電影文章

電影LOL︳蝙蝠俠超人陸續換人 DC漫畫英雄電影再重啟

電影LOL︳電影評論學會大獎《智齒》《殺出個黃昏》成大贏家 年度推薦片單多達十套創近年新高

電影LOL︳花姐都話正 台灣男神許光漢 新片有齊BL鬼怪推理喜劇元素

電影LOL︳X! 荷里活新勢力A24最新恐怖片 後生仔拍4仔變血腥大屠殺

電影LOL︳巨星班底轉人腳?「對稱大師」Wes Anderson搵男神Benedict拍新片

電影LOL︳真係靜靜雞贏 《無聲絕境》收得 同時開拍第3集同前傳

電影LOL︳鍊贏《艾蜜莉在巴黎》Lily Collins Rooney Mara 演柯德莉夏萍傳

電影LOL︳第79屆金球獎低調頒獎 《魷魚遊戲》001吳永秀奪最佳男配角 李政宰無緣視帝

電影LOL︳Chris Evans唔做美國隊長做監製 盛傳飾演Singing in the Rain男星Gene Kelly

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能