電影LOL︳《魔比剎》未上畫就負評如潮 連片尾彩蛋都被人插「史上最爛」

以《蜘蛛俠》角色衍生出嚟嘅電影《魔比剎》(Morbius),安排喺北美地區4月1日上畫。不過未上畫就已經負評如潮,唔係愚人節惡作劇!

通常荷里活大片上畫前都有「禁評期」,即使影評人睇完優先場幾鍾意又者幾憎都好,唔該等到限期後先出聲。呢排《魔比剎》「禁評期」一過,負評立即湧現。

最多外國網民鬧嘅,係《魔比剎》故事雜亂無章,似足千禧年代嘅電影敘事模式,就連向來用嚟被觀眾驚喜嘅片尾彩蛋,都被恥笑係「史上最爛」、「睇到反白眼」。而影評網「爛蕃茄」上,而家《魔比剎》嘅評分只有15%,以大片計都幾大鑊,不過評分嘅網友唔夠一百個,未必作準。

好在《魔比剎》都有部份正評,例如盛讚CG做得好,男主角謝拉列圖(Jared Leto)將角色演得有血有肉,難以有其他演員做到咁嘅表現。

片商Sony將《蜘蛛俠》故事其他角色「分拆上市」拍成電影同劇集,《毒魔》以有趣嘅手法令記者角色Eddie Brock同毒魔變成相生相尅亦敵亦友嘅拍檔,全球票房收8億5600萬。Sony當然唔放過呢條財路,準備緊至少5個同類Project,包括早前報導過、由Dakota Johnson 及Sydeny Sweeney兩大索女主演嘅Madame Web。但係《毒魔》第2集已經反應麻麻,如果連《魔比剎》都係負評收場,似乎Sony要重整成個計劃,最起碼執好啲劇本先啦。

更多電影文章

電影LOL︳67歲布斯韋利士患失語症影響認知能力 家人代宣布退出影壇

電影LOL︳奧斯卡懶人包 四大串流平台睇勻得獎作品《心之旋律》《犬山記》《王者世家》《神聖電視台》

電影LOL︳奧斯卡頒獎禮 《心之旋律》半爆冷贏最佳電影 韋史密夫喊晒首奪影帝

電影LOL︳第一位美籍華裔女星黃柳霜傳記電影 Gemma Chan陳靜確定演出

電影LOL︳奧斯卡前瞻 《犬山記》拎最佳電影有暗湧 等睇古天樂做金像監製

電影LOL︳奧斯卡女角獎項預測 妮歌潔曼廿年後再開齋要問過謝茜嘉 Ariana DeBose贏面大

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載