暢銷小說《波西傑克森》當年改編成電影版，一心想打造成另一套《哈利波特》，首集《波西傑克森：神火之賊》於2010年推出，全球票房收過2億2,700萬美金，續集《妖魔之海》於2013年推出，錄得2億美金票房，成績不過不失，不過系列被腰斬，電影無再拍第3集！

《波》票房未如預期外，評價好壞參半都係電影被叫停原因。小說作者Rick Riordan公開表明自己喺電影改編上完全無話事權，電影版主角由12歲改成16歲，加上故事情節被大幅改動，睇完戲直言心痛，指電影糟撻佢一生心血！

2020年中Disney+公佈決定還《波西傑克森》一個公道，將小說改編成電視劇集，仲搵埋Rick Riordan參與改編創作，務求劇集版盡現小說精粹。搞咗年幾，劇集版終於有進展，Rick Riordan親自宣佈完成頭2集劇本，現正埋首第3、4集嘅劇本創作。

Rick表示劇集詳情要等迪士尼官方公佈，不過第一季嘅預算十拿九穩。第1季試播集（Pilot)搵嚟電影《愛探險的Dora：勇闖黃金迷城》導演James Bobin執導。

《波》小說一共5集，講述海神波賽頓有個12歲嘅仔波西，半神半人身世擁有超能力，可以控制水及以水治療傷口。故事講波西及其一眾同類好友喺混血營接受特訓嘅生活，一班後生仔經常遇上各種惡勢力，對付壞人過程驚險萬分。

劇組依家密鑼緊鼓物色合適演員，《波》結合古希臘神話、奇幻、冒險、青春戀愛及友情、個人成長於一身，如果劇集反應良好的話有機會拍足5季，要搵個啱嘅演員預佢由12歲演到17歲，仲要預佢唔會突然長太大唔連戲，或者紅咗崩壞都唔容易！劇集預計今年6月喺溫哥華開機，2023年尾左右上架！

更多電影文章

電影LOL︳《無聲絕境》創作才子新作拍小男孩故事 搵「死侍」同「前上司」Steve Carell幫手

電影LOL︳兩大荷里活人氣王 美國隊長Chris Evans拍The Rock演新片 等做佳節檔期票房冠軍

電影LOL︳邦女郎 Ana 舊作被cut戲 Fans為4蚊告Amazon索償500萬 導演解釋︰觀眾唔buy

電影LOL︳《盜火線》終於有續集 小說8月有得睇 隨時拍成電影網劇

電影LOL︳蝙蝠俠超人陸續換人 DC漫畫英雄電影再重啟

電影LOL︳電影評論學會大獎《智齒》《殺出個黃昏》成大贏家 年度推薦片單多達十套創近年新高

電影LOL︳花姐都話正 台灣男神許光漢 新片有齊BL鬼怪推理喜劇元素

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載