電影LOL︳姜濤柳應廷處男作 《阿媽有咗第二個》入圍大阪電影節
第40屆香港電影金像獎日前公佈入圍名單,喺《假冒女團》內又扮女仔又有動作場面,好俾心機演出嘅「教主」Anson Lo失落最佳新演員提名,好彩Mirror另一成員柳應廷阿Jer則憑《媽媽的神奇小子》首度入圍金像獎最佳歌曲一項,算為Mirror成員進軍影壇攞咗好兆頭。
而阿Jer同姜濤首次擔任男主角、彭秀慧編劇執導嘅電影《阿媽有咗第二個》上年9月已殺青,雖然未有確實映期,不過官方剛剛宣佈電影入入圍下月舉行嘅第十七屆日本大阪電影節(Osaka Asian Film Festival)嘅競賽項目,成為其中一部參展作品。處男作就衝出香港,值得慶賀!
過往亦曾經有不少香港電影入圍大阪電影節及獲獎,上屆嘅開幕電影就係由文念中執導嘅《好好拍電影》,Lokman嘅《狂舞派3》上年亦有參展。彭秀慧首部執導電影《29+1》更成為第十二屆嘅「觀客賞」(即觀眾票選大獎)得主!
《阿》未有正式故事大綱,暫時只知毛姐飾演經理人,忙於打理藝人工作而忽略咗自己親生仔。大家對於邊位鏡仔係星邊位係飾演毛姐個仔相當好奇,憑造型照都估到個大概!不過劇照又見到姜濤有個茶記哥仔look,唔通毛姐喺茶記發掘姜濤嘅?
演戲不同於唱歌,2位影壇新人不約而同指演繹不同情緒、交出內心戲比連續開show更辛苦!因為劇組有愛、加上同毛姐又相處融洽,大家互拍醜照非常開心,拍攝經驗難得,彭導則希望經《阿》後姜濤、阿jer愛上演戲!
毛姐拍完《阿》之後又會同Edan及Anson Lo合作拍攝電影,認真忙碌!相信嚟緊歌、影、視都會見到鏡仔們繼續發光發熱!
更多電影文章
電影LOL︳第40屆香港電影金像獎提名公布 《梅艷芳》12項提名 謝賢有望成最年長影帝
電影LOL︳《奇異博士》預告片曝光勁多彩蛋 《變種特攻》Professor X現身 影迷超振奮!
電影LOL︳黑幫大佬變煮飯公 日漫《極道主夫》拍完劇集再上大銀幕
電影LOL︳似科幻片多過卡通 《光年正傳》預告片曝光 巴斯光年終於係太空英雄
電影LOL︳奧斯卡提名公布 《沙丘瀚戰》十項提名演員冇份 Lady Gaga影后五強不入 古天樂監製動畫入圍爭獎
電影LOL︳台灣賀歲片冠軍 《我吃了那男孩一整年的早餐》台式青澀浪漫美味
電影LOL︳史匹堡爆seed一年2套新戲上畫 半自傳The Fabelmans搵名導David Lynch演出
按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載