電影LOL︳成龍為新片《龍馬精神》製造大量網路熱話 殊不知票房竟然得呢個數…

到底係經驗豐富,定係上咗年紀講嘢尺度大啲?可以肯定從影多年嘅成龍好識製造話題!佢驚世金句多到不得了,近期為咗宣傳新戲《龍馬精神》又有勁爆言論!

《龍》故事講述昔日風光的龍虎武師老羅(成龍 飾)一夜變調,現今的他窮困潦倒,與他的愛馬赤兔相依為命,一人一馬在片場靠著跑龍套過日子。老羅一心想將赤兔培養成動作巨星,然而天外飛來橫禍!

老羅與赤兔無端身陷官司,只能求助於多年未見的女兒小寶(劉浩存 飾),和她的律師男友乃華(郭麒麟 飾)。戲中穿插大量動作場面,最後成龍同女兒和解又認可女婿能力大團圓結局。

宣傳當然會狂講戲內動作場面有幾危險,不過正經花絮邊有爆點?所以一開宣傳成龍就玩自爆,批評年輕人氣演員遲到早退唔專業,又話人無演技,兼踩埋投資者唔識貨,要有人氣王先肯俾錢開戲。好死唔死仲要舉易烊千璽做例子,一次過得罪fans、年輕觀眾同投資人!

一個爆點又點夠,成龍出席校園觀影活動時再爆「很高興和這麼爛的演員合作」,講完即時改口話自己國語麻麻,佢其實想講「優秀演員」喎,個解釋牽強到呢。不過既講真話又可以上微博熱搜,一石二鳥宣傳力度十足!

《龍》故事以老人重拾事業第二春為題,但係以學生為目標觀眾,劇組不停做免費校園Show,請學生免費睇戲。近日就盛傳中國傳媒大學宣傳時,被導演系學生問「點解拍套咁爛嘅戲?可唔可以退返飛錢?」,仲話全場學生拍爛手掌和議!劇組隨後澄清無人要求退飛,多謝大家嘅批評會繼續學習。

電影話題十足日日上微博熱搜,搵埋票房次次幾十億嘅吳京客串都救唔到票房,因為口碑非常麻麻,內地影視評分網豆瓣對套戲有大量負評,結果上映9日只係得1.23億人仔!其實成龍唔拍戲可以考慮改做網紅,hit rate肯定夠!

更多電影文章

電影LOL 今期睇咩戲︳燈火闌珊/關我Love事/非常亂婿娶佳人/伊朗無熊無懼/陽光燦爛的果園

電影LOL︳荷里活2022年五大仆直大片 迪士尼囊括2.5套 《奇異大世界》勁蝕15.5億

電影LOL︳《Marvel 隊長2》聲勢靜過太空 朴敍俊騎呢造型成唯一亮點

電影LOL︳輪到《魔海奇緣》拍真人版 The Rock毫無懸念做男主角

電影LOL︳《Barbie芭比》真人電影海報預告片曝光 同Christopher Nolan新作《奧本海默》打對台

電影LOL︳伊藤潤二有份參與 荷里活改編《新・闇之聲 潰談》避過日漫被荷里活拍爛宿命?

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!