電影LOL︳掌摑事件手尾長 Will Smith多套新片hold住唔郁

奧斯卡頒獎禮上Will Smith出手掌摑Chris Rock事件餘波未了，即使Will Smith已經道歉，並且辭任奧斯卡主辦單位美國影藝學會會員，但係茲事體大，而且媒體風向唔少都譴責新科影帝濫用暴力，各大片廠都開始作出相應行動，就係將Will Smith相關project hold住hold住！

據外媒報導，原定由Will Smith主演嘅新片Fast and Loose，已經被出品商Netflix「暫緩」有關工作。Fast and Loose呢套戲可謂一波三折，早前導演David Leitch喺奧斯卡前辭任並改為接拍Ryan Gosling新片Fall Guy，Netflix本來拿拿聲搵人頂上，點知就出現掌摑事件，Netflix只好靜靜雞由得Fast and Loose唔郁，未知會唔會易角。

另一片商Sony打算開拍Will Smith經典作Bad Boys（《重案夢幻組》）第4集，一切進度良好，Will Smith本來仲已經收到幾十頁劇本，但係因為上台打人真係太Bad，所以據知有關方面已經下令hold住。

而Will Smith為Apple拍嘅串流劇Emancipation已經進入後期階段，原定今年出街但未有期，外媒The Hollywood Reporter向蘋果求證但未有回覆。

業界人士分析事件對Will Smith嘅影響時，有高層認為雖然片商未至於同Will Smith割席，但一定會顧慮呢一巴之後，Will Smith對一套戲嘅票房而至片商名譽帶來嘅影響，估計Will Smith起碼要收埋自己一陣，甚至上電視專訪懺悔洗底先得。

更多電影文章

電影LOL︳《魔比剎》未上畫就負評如潮 連片尾彩蛋都被人插「史上最爛」

電影LOL︳67歲布斯韋利士患失語症影響認知能力 家人代宣布退出影壇

電影LOL︳奧斯卡懶人包 四大串流平台睇勻得獎作品《心之旋律》《犬山記》《王者世家》《神聖電視台》

電影LOL︳奧斯卡頒獎禮 《心之旋律》半爆冷贏最佳電影 韋史密夫喊晒首奪影帝

電影LOL︳第一位美籍華裔女星黃柳霜傳記電影 Gemma Chan陳靜確定演出

電影LOL︳奧斯卡前瞻 《犬山記》拎最佳電影有暗湧 等睇古天樂做金像監製

電影LOL︳奧斯卡女角獎項預測 妮歌潔曼廿年後再開齋要問過謝茜嘉 Ariana DeBose贏面大

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載