電影LOL︳演技男神Benedict新片演貓奴畫家 貓演員星級待遇 買重300萬保險

·2 分鐘文章

下個月可以喺新上映《蜘蛛俠》電影見到英國男神班尼狄甘巴貝治(Benedict Comberbatch)飾演「奇異博士」,不過《蜘》入面幾條故事線,「奇異博士」分到嘅時間有限,想睇Benedict盡情發揮嘅可以睇《路易斯韋恩的迷幻貓世界》。

Benedict今次化身貓奴兼妹控,演繹插畫家路易斯韋恩一生。電影講述19世紀以前,歐洲一直視貓為不祥之物,直至「貓貓教父」路易斯韋恩(班尼狄甘巴貝治 飾)出現!他戀上妹妹的家庭教師艾蜜莉,為愛不惜出走成家,二人更收養流浪小貓彼得。

之後艾蜜莉得病離世,剩下彼得跟路易斯相依為命。自此他餘生均以貓作畫,筆下童心未泯的可愛擬人貓咪紅遍歐洲;後期患上精神分裂,活得痛苦卻依然以大膽及鮮活嘅色彩畫出抽象前衛的貓咪形象,於藝術界掀起了一場前所未見的貓貓狂熱。

《路》棄用電腦特效以全真貓拍攝,製作組為電影特別搵咗40隻貓拍攝,其中仲有極貴重嘅純種英國短毛貓,日日總動員保護貓咪,單係為貓演員們買保險就用咗接近300萬港紙,認真尊貴!

導演福田知盛透露拍攝時一有貓貓入場,成隊crew為免嚇親貓貓會即時轉靜音mode,兼唔可以有大動作,待偶媲美巨星!至於男主角Benedict表示拍攝時日日被貓圍感覺幸福,不過密集聽住訓練貓專用嘅響片聲(Clicker),搞到有幻聽!

女主角嘉莉兒佛伊(Claire Foy)喺劇集《王冠》飾演英女王一角深入民心,本來短期內無意參與傳記片演出,不過最後抵受唔住Benedict及導演福田知盛連番游說下接演大路易10歲嘅太太Emily,Claire表示19世紀講求門當戶對以及反對姊弟戀,以現今標準嚟睇簡直匪夷所思,佢亦喺Emily一角中搵到趣味。

《路》中仲會見到「女洛基」蘇菲亞迪馬堤諾及《陽光兔仔兵》導演Taika Waititi客串演出,金像影后奧莉花高雯Olivia Colman則為電影獻聲擔任旁白君,仲有剛剛受勳嘅老戲骨Toby Jones,今次佢唔再飾演反派,轉而飾演慧眼相中路易斯韋恩嘅倫敦新聞畫報老細William Ingram,繼《諜網謎蹤》再次同Benedict合作大鬥戲法!

更多電影文章

電影LOL.今期睇咩戲︳假冒女團/喜歡妳是妳/第一爐香/Gucci名門望族/奇幻魔法屋

電影LOL︳蜷川實花執導 CLAMP作品《xxxHOLiC》真人版電影

電影LOL︳《魔戒》導演主理 The Beatles三集紀錄片 Disney+呢個周末有得睇

電影LOL︳觀眾唔buy拍美國版 《屍殺列車》搵恐怖片專家出手

電影LOL︳《假冒女團》Anson Lo港女look曝光 仲有素顏頹樣沖涼露肉場面睇

電影LOL︳《蜘蛛俠:不戰無歸》預告片登場 蛛絲馬跡睇出齊集三代蜘蛛俠?

電影LOL︳Disney+狂炒冷飯 Amy Adams再演天真嬌俏公主 湯漢斯演新版《木偶奇偶記》

電影LOL︳Disney+節目晒冷 大量Marvel角色單飛拍劇集

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能