雅虎香港新聞 電影LOL︳真係靜靜雞贏 《無聲絕境》收得 同時開拍第3集同前傳
因為新冠疫情，戲院又開又閂，重創荷里活片廠收入，不過期間都有少數刀仔鋸大樹成功嘅電影，其中一定有《無聲絕境》系列。首集於2018年面世，由女星Emily Blunt主演，其演員丈夫John Krasinski身兼多職，既係《無》嘅編劇之一又係導演，仲親身上陣演埋一份！
落力得到回報，首集以唔到2000萬美元成本換嚟全球高達3億4000萬美元票房！續集於去年5月上映，上唔夠一陣就撞正全球各個地區陸續封城，以為慘烈犧牲，點知《無2》憑住好評喺不利情況下依然收到接近3億美元票房，更獲得奧斯卡最佳音效剪接提名，成為Paramount片廠金蛋。
《無3》早早落實開拍，難得有金蛋片廠當然要用到極致，根據外媒The Hollywood Reporter報導Paramount決定開拍《無》外傳，並確定由新導演Michael Sarnoski執導。
Michael憑剛上映嘅Pig成為荷里活新星導演，Pig由Nicholas Cage主演，電影講述Cage飾演嘅獵人養咗識搵松露嘅豬，人豬工作合拍無間更係Cage重要夥伴，點知一日愛豬被擄，Cage為咗搵返隻豬展開復仇之旅。Nicholas Cage憑此角色有望入圍奧斯卡最佳男主角，由cult片王重返商業主流，初執導咁好反應，片廠爭住同Michael合作！
《無》外傳暫時未有故事大綱，剩係知條大橋係John Krasinski度嘅，不過因為撞正要搞《無聲絕境3》，所以Kransinski唔會為外傳執筆寫劇本，但鐵定會聯同《變型金剛》導演Michael Bay齊齊監制。雖然無超級英雄，但《無》絕對可以發展出一個寂靜宇宙！
更多電影文章
電影LOL︳鍊贏《艾蜜莉在巴黎》Lily Collins Rooney Mara 演柯德莉夏萍傳
電影LOL︳第79屆金球獎低調頒獎 《魷魚遊戲》001吳永秀奪最佳男配角 李政宰無緣視帝
電影LOL︳Chris Evans唔做美國隊長做監製 盛傳飾演Singing in the Rain男星Gene Kelly
電影LOL︳《我的野蠻女友》導演新作《緣來大飯店》係韓版Love Actually?
電影LOL︳2021香港片票房十大 MIRROR成員佔2套 《蜘蛛俠：不戰無歸》吸金過億成年度冠軍
電影LOL︳狂拍爛片「跑數」翻生 尼古拉斯基治新片瘋狂抽自己水
電影LOL︳澤東電影30年回顧短片《零點零一公分的距離》內地平台優先睇 點解同雞蛋有關？
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載
