電影LOL︳禁錮一年變情侶 Netflix爭議之作365 Days拍續集 預告片曝光更多火辣床戲

黑幫大佬禁錮靚女呢啲橋段，點聽都似係驚慄片，結尾應該係靚女殺出重圍重獲自由。偏偏串流平台龍頭Netflix夠膽，搵到將呢條橋化成浪漫香艷故事嘅小說，仲拍成電影，兼且好受歡迎，而家拍埋續集。

365 Days故事始於西西里島黑幫大佬Massimo禁錮波蘭靚女Laura，Massimo仲話要令Laura一年內愛上佢，結果Laura真係有「斯德哥爾摩症候群」同Massimo成為情侶。365 Days前年上架之後，被批評美化性侵行徑，曾身受其害嘅英國女歌手Duffy更加發公開信表明反對呢套戲。不過觀眾身體很誠實，365 Days片中有唔少火辣床戲，Laura更有唔少著上性感內衣嘅場口，套戲上架後成為超過90個地區嘅十大收看作品，更加喺2020年最多人搜尋電影排行榜排第4。

Netflix當然拿拿聲開續集365 Days : This Day，今個月尾有得睇，預告片亦都出街了。故事延續Massimo 同Laura嘅愛情故事，今集佢地仲結埋婚，但係加插咗Massimo 嘅家族情仇，一名神秘男子Nacho亦意圖介入Massimo 同Laura之間。

原著故事作者Blanka Lipinska對傳媒表示，今集Laura會更加成熟同堅強，故事亦會對呢對戀人嘅關係有更深刻描述。但係我諗觀眾最想睇梗係Massimo嘅肌肉同Laura嘅性感造型啦，預告片亦都滿足大家嘅渴望，圖已cap，慢用～

更多電影文章

電影LOL︳被爆迫女星上床換演出機會 日本導演園子溫寫信道歉

電影LOL︳《魔比剎》導演爆料 謝拉列圖投入殘障角色 去廁所都扶拐杖

電影LOL︳掌摑事件手尾長 Will Smith多套新片hold住唔郁

電影LOL︳《魔比剎》未上畫就負評如潮 連片尾彩蛋都被人插「史上最爛」

電影LOL︳67歲布斯韋利士患失語症影響認知能力 家人代宣布退出影壇

電影LOL︳奧斯卡懶人包 四大串流平台睇勻得獎作品《心之旋律》《犬山記》《王者世家》《神聖電視台》

電影LOL︳奧斯卡頒獎禮 《心之旋律》半爆冷贏最佳電影 韋史密夫喊晒首奪影帝

電影LOL︳第一位美籍華裔女星黃柳霜傳記電影 Gemma Chan陳靜確定演出

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載