電影LOL︳花姐都話正 台灣男神許光漢 新片有齊BL鬼怪推理喜劇元素

許光漢

疫情下社會氣氛壓抑,相信觀眾會傾向睇喜劇,黑色喜劇加靚仔……仲要係BL,啱唔啱心水?台灣2大男神《想見你》許光漢及《六弄咖啡館》林伯宏齊齊㩗手演出集鬼怪、偵探及搞笑於一身嘅電影《關於我和鬼變成家人的那件事》。

《關》故事講述許光漢飾演嘅警察執到冥婚利是,結果被林伯宏飾演嘅男鬼纏上,逼迫許要幫佢喺頭七前完成心願,否則唔投胎繼續纏住許光漢,過程中意外譜出一段人鬼戀!

許光漢
許光漢

電影於2018年第一屆「野草計劃.編導新秀創意戰」中獲得評審團最佳創意故事頭獎,2020年再於韓國富川國際奇幻展中獲得「富片首獎」,劇本備受肯定,令人期待!

電影導演程偉豪大有來頭,執導短片《保全員之死》攞咗金馬獎最佳劇情短片,首部長片《紅衣小女孩》在台票房大賣,《紅》發展成系列作品;近作有張震、張鈞甯主演嘅《緝魂》成績亦相當不俗,不過最勁應該係佢監製嘅《當男人戀愛時》在台票房高收4億台幣及入圍多個金馬獎項,今次一改戲路拍喜劇,成品令人好奇。

林伯宏
林伯宏

《關》剛剛殺青,導演自己係ig出post指3個月嚟密密拍無停手,日日都好趕「累屎自己累屎演職員」咁話。被問到點請得到人氣勁高嘅許光漢主演,導演就答只係時機問題,早於許光漢因為《想見你》而紅到去韓國,連佢有份主演嘅《陽光普照》都未上映時,就確定由佢飾演警察一角!順帶一提,連MIRROR經理人花姐都係許光漢fans!

男男戀對許光漢嚟講無難度,佢喺劇集《罪夢者》入面飾演深不可測又陰暗嘅林季子,同彭千祐飾演嘅林本川上演極激19禁床戲,佢喺劇中仲露股添!依家同個樣好cute cute嘅林伯宏拍BL甜故,預計實有肉睇!大家密切期待映期!

更多電影文章

電影LOL︳X! 荷里活新勢力A24最新恐怖片 後生仔拍4仔變血腥大屠殺

電影LOL︳巨星班底轉人腳?「對稱大師」Wes Anderson搵男神Benedict拍新片

電影LOL︳真係靜靜雞贏 《無聲絕境》收得 同時開拍第3集同前傳

電影LOL︳鍊贏《艾蜜莉在巴黎》Lily Collins Rooney Mara 演柯德莉夏萍傳

電影LOL︳第79屆金球獎低調頒獎 《魷魚遊戲》001吳永秀奪最佳男配角 李政宰無緣視帝

電影LOL︳Chris Evans唔做美國隊長做監製 盛傳飾演Singing in the Rain男星Gene Kelly

電影LOL︳戲院星期五起停業 一文睇晒各院線退票安排

電影LOL︳《我的野蠻女友》導演新作《緣來大飯店》係韓版Love Actually?

電影LOL︳2021香港片票房十大 MIRROR成員佔2套 《蜘蛛俠:不戰無歸》吸金過億成年度冠軍

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載