雅虎香港新聞 電影LOL︳蝙蝠俠超人陸續換人 DC漫畫英雄電影再重啟
同樣係拍超級英雄電影，漫威同DC條命真係好唔同。前者劇集、電影套套好評又收得，飾演初代復仇者嘅演員位位做足10年或以上，其中幾位宣佈畢業時引嚟眾多影迷哀嚎！反觀DC系列不停重啟，好似《自殺特攻》幾年內拍完換個cast又再拍；「小丑」、「蝙蝠俠」同時由不同演員飾演，睇到眼都花！
Robert Pattinson嘅《蝙蝠俠》未上映前，「現任」蝙蝠俠Ben Affleck接受The Herald Sun訪問時透露年底上映嘅《閃電俠》將會係佢最後一次蝙蝠俠演出！訪問中更指因為拍攝《正義聯盟》過程壓力太大，加上票房失利而酗酒，所以決定辭去《蝙蝠俠》導演及主演一職，認真倒米！
《閃電俠》一早劇透開啟多元宇宙，而早於1989年飾演「蝙蝠俠」嘅Michael Keaton亦會回歸與Ben Afflect同場，之後亦會以同一角色客申HBO Max播映嘅Batgirl電影，依家Ben Afflect自爆唔再做「蝙蝠俠」，間接確定華納將會重啟整個DC宇宙，時序大執位！
其實唔止「蝙蝠俠」易角，自2017年《正義聯盟》後就無再出過場嘅「超人」Henry Cavill亦單方面被華納踢走無得留低，連正式分手宣言都無。不過Henry本人似乎無咩say，既然主演劇集The Witcher迥響更大，熱愛打機嘅佢亦頻頻搲撈講明恨拍遊戲改編作品，索性洗底好過！
隨住DC 2大台柱「蝙蝠俠」、「超人」陸續換人，華納正式重啟DC電影系列，亦擺明無意俾Zack Snyder嘅DC宇宙復活，其執導嘅《超人：鋼鐵英雄》、《蝙蝠俠對超人：正義曙光》、《正義聯盟》恐怕已成歷史。寄望華納認真部署新一次DC電影重啟，再拍衰咗，diehard fans都會走頭，幾年reboot一次？當觀眾水魚咩！
更多電影文章
電影LOL︳電影評論學會大獎《智齒》《殺出個黃昏》成大贏家 年度推薦片單多達十套創近年新高
電影LOL︳花姐都話正 台灣男神許光漢 新片有齊BL鬼怪推理喜劇元素
電影LOL︳X! 荷里活新勢力A24最新恐怖片 後生仔拍4仔變血腥大屠殺
電影LOL︳巨星班底轉人腳？「對稱大師」Wes Anderson搵男神Benedict拍新片
電影LOL︳真係靜靜雞贏 《無聲絕境》收得 同時開拍第3集同前傳
電影LOL︳鍊贏《艾蜜莉在巴黎》Lily Collins Rooney Mara 演柯德莉夏萍傳
電影LOL︳第79屆金球獎低調頒獎 《魷魚遊戲》001吳永秀奪最佳男配角 李政宰無緣視帝
電影LOL︳Chris Evans唔做美國隊長做監製 盛傳飾演Singing in the Rain男星Gene Kelly
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載
