電影LOL︳賽車題材吸金勁 片商掟錢搶畢彼特新片搏做下套《狂野時速》

多咗串流平台後，荷里活幾乎日日都有高價爭片消息。早前Apple以天價投資「邦女郎」Ana De Armas及「美國隊長」Chris Evans主演嘅愛情、探險喜劇Ghosted，依家各片廠又以all in豪賭姿態爭型佬Brad Pitt新戲！

Brad Pitt貴為全球知名影星又有票房保証，加上有《魔盜王》金牌監制Jerry Bruckheimer以及由《壯志凌雲：獨行俠》導演Joseph Kosinski執導，及編劇Ehren Kruger執筆，幕前幕後都係荷里活票房聖手，難怪各大片廠包括Paramount、Song、環球影業、Netflix、Apple及Amazon等出價，連平時鮮有參與競標嘅迪士尼都加入戰陣爭崩頭！

Brad Pitt戲路廣闊，近年時有拍攝較小眾電影，題材偏鋒的話幾有型都吸唔到票房，今次搞咩會令片廠咁瘋狂？原來Brad Pitt同導演Joseph Kosinski早於2013年就想合作，當時傾緊套叫Go Like Hell嘅電影，由Kosinski執導，Brad Pitt同另一型佬Tom Cruise主演，最後呢個組合埋唔到班，故事變奏成Matt Damon及Christian Bale主演、《盧根》導演James Mangold執導嘅《極速傳奇：褔特決戰法拉利》！

《極速傳奇：褔特決戰法拉利》票房成績理想仲攞埋2項奧斯卡金像獎。事隔多年，Brad Pitt同Kosinski再次重啟集劇情、動作、飛車緊張刺激於一身嘅賽車故事，據聞佢地仲搵埋一級方程式賽車冠軍、英國車神Lewis Hamilton助陣，牌面睇落確實吸引！

賽車故事有捧場客，《狂野時速》系列票房一集比一集高，連外傳都收得，不過都有唔少賽車片如Ron Howard執導「雷神」Chris Hemsworth主演嘅《一級雙雄》，叫好但唔叫座！荷里活片廠及串流平台競爭激烈，只要初步構思有50％贏面都夠各大片商豪賭一搏，買重Brad Pitt可以造就另一套叫好叫座電影嘅《極速傳奇》！

更多電影文章

電影LOL．今期睇咩戲︳法蘭西諸事週報／只因我們天生一對電影版／劫券同盟／路易斯韋恩的迷幻貓世界／異度詭酒店／一直游到海水變藍

電影LOL︳極索邦女郎Ana De Armas踢走黑寡婦 新片拍美國隊長談情冒險

電影LOL︳又係改編！尼古拉伯爵助手故事照殺 《尚氣》Awkwafina拍尼古拉斯基治

電影LOL︳樊少皇演內地版Ironman《虛擬特攻》 中咗槍仲可以隻揪

電影LOL︳BL大熱！《如果30歲還是處男，似乎就能成為魔法師》拍電影版

電影LOL︳宮崎駿再次復出 新作《你想活出什麼的人生？》3年內有得睇

電影LOL︳演技男神Benedict新片演貓奴畫家 貓演員星級待遇 買重300萬保險

電影LOL︳蜷川實花執導 CLAMP作品《xxxHOLiC》真人版電影

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載