電影LOL︳金球獎直擊《奇異女俠玩救宇宙》楊紫瓊首奪影后 關繼威贏男配角
第80屆金球獎美國時間星期二晚舉行,華裔女星楊紫瓊以《奇異女俠玩救宇宙》一片,力壓Emma Thompson、Margot Robbie等勁敵,首度贏得金球獎最佳女主角(喜劇/音樂劇類)。
楊紫瓊成為繼Awkwafina後,第二位贏得金球獎最佳女主角嘅亞裔女演員。早前於美國國家評論協會頒獎禮上贏得最佳女主角,本來金球獎勝算甚濃,預計喺即將公布提名嘅金像獎提名名單,都會有份入圍。楊紫瓊上台發表領獎感言講到一半時,曾被大會催促,霸氣嘅楊紫瓊開玩笑叫人收聲,仲話可以「打爆你」!(Shut Up, and I can beat you up)。
而戲中飾演楊紫瓊老公嘅華裔演員關繼威,亦獲頒最佳男配角。童星出身嘅關繼威,特別感謝當年發掘佢拍《奪寶奇兵》嘅導演史提芬史匹堡。
其他獎項方面,哥連費路以《伊利舍林的女妖》成為金球影帝(喜劇/音樂劇類),《貓王》嘅男主角Austin Butler就於戲劇類稱帝。
第80屆金球獎主要得獎名單:
電影類
戲劇類最佳影片-《法貝曼︰造夢大師》
音樂及喜劇類最佳影片-《伊利舍林的女妖》
最佳導演 - 史提芬史匹堡《法貝曼︰造夢大師》
戲劇類最佳男主角 - 《貓王》Austin Butler
音樂及喜劇類最佳男主角 - 哥連費路以《伊利舍林的女妖》
戲劇類最佳女主角 - 《Tar》Cate Blanchett
音樂及喜劇類最佳女主角 - 《奇異女俠玩救宇宙》楊紫瓊
最佳男配角 - 《奇異女俠玩救宇宙》關繼威(Ke Huy Quan)
最佳女配角 - 《黑豹2:瓦干達萬歲》Angela Bassett
最佳原創配樂 - 《巴比倫》
最佳原創歌曲 - 《革命雙雄》(RRR)
最佳動畫 -《木偶奇遇記》
最佳外語片 - 《阿根廷,1985年》(阿根廷)
更多電影文章
電影LOL 今期睇咩戲︳伙星行動 : 扭計特攻/雲妮侯斯頓:與愛共舞/通往夏天的隧道,再見的出口
電影LOL︳社畜生活實錄 網路漫畫《他馬克老闆》拍電影版 搵盧廣仲鬧爆你腦細
電影LOL︳《人工殺姬》未夠殺《阿凡達2》四週北美票房冠軍 全球收17億成史上賣座第7位
電影LOL︳2022香港票房十大 《明日戰記》成港產片王 《阿凡達︰水之道》18日收近億成亞軍
電影LOL︳20年賺過百億 外媒瘋傳《哈利波特》電影版籌備重啟
電影LOL︳爆頭刀劈乜都有 血腥暴力癲喪版《飄零燕》Mad Heidi上網有得睇
按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!