電影LOL︳香港Netflix聖誕假收視榜十大 Matrix、蜘蛛俠舊片佔7席 榜首係呢套新片

蜘蛛俠:不戰無歸》香港首日開畫票房高開800多萬,上映13日輕鬆破億,成為新冠疫情以嚟最高票房紀錄,亦係香港首部票房過億嘅《蜘蛛俠》!相信因為今集《蜘》開啟多重宇宙,令唔少觀眾再次重溫前2代「蜘蛛俠」。

Netflix公布12月20-26日官方數據,聖誕假期香港地區最多人睇嘅10部電影之中,有4部都係「蜘蛛俠」!分別為第2位Tom Holland主演嘅《蜘蛛俠:強勢回歸》、第4位及第6位係由「二代蜘蛛俠」Andrew Garfield主演嘅《蜘蛛俠:驚世現新》、《蜘蛛俠2:決戰電魔》,「首代蜘蛛俠」Toby Maguire主演嘅《蜘蛛俠》排第9位。

Andrew Garfield主演2集「蜘蛛俠」上映時票房及口碑皆不及Toby Maguire版或Tom Holland版,重新上榜相信唔少人睇完《蜘蛛俠:不戰無歸》發覺走漏眼,急急搵返嚟睇!

隨住《22世紀殺人網絡4:復活次元》上映,成個《22世紀殺人網絡》系列亦成為Netflix最多人睇嘅電影,首集《22世紀殺人網絡》佔第3位、《22世紀殺人網絡2:決戰未來》及《22世紀殺人網絡3:驚變世紀》分別排第8及第10位。《22世紀》系列堪稱經典,事隔18年再次推出第4集,入場前做定功課合情合理!

Top 10之中只有2套中文片,分別為第5位,由杜琪峯執導、游乃海編劇,趙薇、古天樂、鍾漢良主演嘅《三人行》。片中一鏡到底慢鏡頭槍戰,上映時票房評價麻麻,幾年後隨住社會變化而多一重解讀,或者係觀眾重新觀賞嘅原因?另一套上榜為第7位由劇集紅到出電影版嘅《使徒行者》。

首位最多人睇亦係唯一一套新片,由金像導演Adam McKay執導,超強巨星陣容Leonardo DiCaprio、Jennifer Lawrence、Meryl Streep及Cate Blanchett主演嘅黑色喜劇《千萬別抬頭》,講述兩名天文學家展開媒體巡迴演講,警告全人類有一顆彗星即將撞擊並摧毀地球,但全球忙著關心其他事,根本冇人理佢地!

電影借世界末日諷刺現今政治、有錢有權一群及媒體掌控世界,講到明世道不公,就算世界末日都改變唔到,笑料百出之中其實好鬼sad!

更多電影文章

電影LOL︳今期睇咩戲 22世紀殺人網絡 復活次元/史賓沙/月老/殘影空間

電影LOL︳Matrix監製爆《復活次元》本來另有導演人選 拍續集不置可否

電影LOL︳《闔家辣》搶閘宣傳 Edan呂爵安再反白眼 自家製辣醬焫著全家

電影LOL︳奧斯卡公布初選入圍名單 中港台電影無緣角逐外語片

電影LOL︳《哈利波特》20周年Re-U特輯元旦有得睇 仲可以一次過煲晒8集電影

電影LOL︳仲未有上映日期 4.5億港產科幻巨構《明日戰記》宣傳片登場

電影LOL︳Tom Holland電玩改編新片Uncharted 電影公司為綁蜘蛛仔勁改角色設定

電影LOL︳楊紫瓊拍完《我的超豪男友》人氣神奇反彈 分身打入元宇宙拯救世界

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載