【電影LOL】Netflix 拍《幽遊白書》真人版 會唔會又崩壞?

·2 分鐘文章
今際之國的有栖
今際之國的有栖

需要大量內容供應嘅串流平台Netflix,最近推出由日漫改編真人版劇集《今際之國的有栖》反應唔錯,今日又有消息傳出,Netflix會開拍真人版《幽遊白書》劇集!導演人選會係Netflix另一套日劇《AV帝王》嘅坂本和隆。

【電影LOL】Netflix 拍《幽遊白書》真人版 會唔會又崩壞?
【電影LOL】Netflix 拍《幽遊白書》真人版 會唔會又崩壞?

富樫義博創作嘅《幽遊白書》係90年代經典日本連載漫畫,同《龍珠》及《男兒當入樽》一齊被譽為當時三大作品,至今銷量超過5千萬本。故事以不良少年幽助因為拯救小孩而被車撞死展開,幽助後來成為靈界偵探,並且參與不同嘅戰鬥,穿梭人間同魔界。

《幽遊白書》出名同受歡迎,但係更為人談論嘅係漫畫嘅結局,唔少粉絲都認為喺作品人氣最強之際,突然用小故事形式作結,有「爛尾」之嫌。富樫就話與其要跟出版社意願連載落去,倒不如自己任性啲將故事完結。

《幽遊白書》真人版消息一出,立即有個疑問︰點先拍得好睇?首先故事以虛構嘅人間、靈界同魔界為背景,又有好多超自然故事,真人版點樣用畫面交代?係咪好似《今際之國的有栖》咁,用大量綠背景+後期製作處理?

另一個疑惑就係角色造型,個個都有特色同獨特氣質︰好型嘅妖狐藏馬、好細粒嘅飛影、四肢發達頭腦簡單嘅戶愚呂弟……點樣先可以整個藏馬嘅紫色頭而不失仙氣但又唔會似KPOP偶像?戶愚呂弟個飛機頭點先唔會成為笑點?咁啱上年日本有劇團演出舞台劇版《幽遊白書》,睇睇張poster你就明,出事機率有幾大。

【電影LOL】Netflix 拍《幽遊白書》真人版 會唔會又崩壞?
上年公演嘅《幽遊白書》真人版舞台劇海報
【電影LOL】Netflix 拍《幽遊白書》真人版 會唔會又崩壞?
真人版幽助
【電影LOL】Netflix 拍《幽遊白書》真人版 會唔會又崩壞?
真人版藏馬
【電影LOL】Netflix 拍《幽遊白書》真人版 會唔會又崩壞?
真人版戶愚呂弟
【電影LOL】Netflix 拍《幽遊白書》真人版 會唔會又崩壞?
真人版小閻王個奶嘴點先唔會顯得肉酸?

而家仲未知《幽遊白書》真人版幾時有得睇,希望唔會好似《棋魂》真人版咁,未播已經被瘋狂恥笑啦。

更多電影文章

【回顧2020.娛樂】英電影雜誌票選年度最佳50部電影 《天能》都係排38 三甲好有文青feel

【電影LOL】因新冠肺炎病逝 三大影展得獎大導 金基德重要作品回顧

【回顧2020.娛樂】2020全球搜尋量最高十大電影 《上流寄生族》居首

【電影LOL】三代蜘蛛俠蜘蛛女新版《蜘蛛俠3》碰頭 八爪博士再現

【電影LOL】明年新片戲院網上同步上映惹非議 華納得罪《天能》導演 伙伴擬入稟阻撓