震撼新生 東京大學教授開學演講 ︰不公正的社會在等著你們

19+

 

近年睇過唔少美國嘅大學畢業禮搵名人演講嘅片段,

不外乎係用自身經歷勉勵踏出社會嘅年青人,加一兩個幽默笑位,

做到頹頹地睇吓都夠幫自己打打氣。

 

早排,日本著名嘅東京大學,就喺開學禮上,

搵女教授同新生來一趟「震撼教育」。

唔係打溫情牌,而係同你講「一個唔公正嘅社會等緊你地」。

 

演講嘅名譽教授上野千鶴子,25年前加入東大文學部,成為第3位女教員。

係呀,上世紀九十年代,日本都好現代化啦,

但係職場上男女不平等情況依然嚴重。

上野教授就係以社會不公平現象,敲醒靠考試脫穎而出嘅新生代個腦袋。

 

演講一開始,就以東京醫科大學被揭發男女生入學試合格率出現「重男輕女」現象切入,

反問同學「如果考試制度不公會唔會令你憤怒?」,

講出種種制度同價值觀對女生升學所這成嘅障礙。

原來日本父母有「男生讀大學,女生讀短期大學」嘅觀念,

即使考入東大,女生都唔敢同人講。

 

上野教授大膽指出,東大都有性別歧視嘅問題︰

校內發生過性侵案,被捕男生竟然喺作供講受害女生「頭腦笨」;

仍然有學生社團唔俾女生加入;

學生以至教職員性別比例嚴重失衡,亦未出現過女校長。

 

對於「以自己努力而獲得回報」嘅學生,上野教授提醒,

一個「努力都未必獲得回報」嘅社會正等緊佢地。

能夠相信「努力=回報」,係因為有公平嘅環境同身邊人鼓勵,但未必個個都咁好運。

如果有呢份努力同信念,請將佢用嚟扶助弱者,而唔係眨低他人。

 

希望呢班新鮮人會記得呢番說話,令等待下一代嘅社會,

並唔係充滿不公平。

演辭全文(中文版)

你可能還想看