青春不要臉︳周星馳伯樂黃栢文親身演出舟仔成名作導演 星爺當年得獎多謝邊個?

青春不要臉
青春不要臉

《青春不要臉》刻劃多位80年代TVB藝員奮鬥史,其中「舟仔」(齊輕舟,丁子朗飾)嘅星途同周星馳極為相似。早前劇情提到舟仔喺電視台發展平平,但係出去拍電影就獲得台灣電影頒獎禮最佳男配角,現實中星爺1988年正正憑電影《霹靂先鋒》,以新人姿態勇奪台灣金馬獎最佳男配角。

青春不要臉︳周星馳伯樂黃栢文親身演出舟仔成名作導演 星爺當年得獎多謝邊個?
青春不要臉︳周星馳伯樂黃栢文親身演出舟仔成名作導演 星爺當年得獎多謝邊個?
青春不要臉︳周星馳伯樂黃栢文親身演出舟仔成名作導演 星爺當年得獎多謝邊個?
青春不要臉︳周星馳伯樂黃栢文親身演出舟仔成名作導演 星爺當年得獎多謝邊個?

《霹》係80年代典型警匪片,飾演古惑仔嘅周星馳因為偷車被警探張鐵柱(李修賢飾)拘捕,後來成為張鐵柱嘅卧底,潛入成奎安等人嘅犯罪集團。當年星爺憑住呢套戲,擊敗該屆奪得多個獎項、《七小福》嘅林正英及資深台灣演員金塗拿下最佳男配角。上台致詞時,星爺感謝《霹靂先鋒》監製李修賢、導演黃栢文、電影人黎繼明、前輩萬梓良及曾志偉。嗰陣星爺仲未同萬子拍《他來自江湖》,但係萬子已經好照顧星爺,視為徒弟兼細佬。而萬梓良亦喺同一屆金馬獎擊敗周潤發,以《大頭仔》一片成為金馬影帝。

青春不要臉︳周星馳伯樂黃栢文親身演出舟仔成名作導演 星爺當年得獎多謝邊個?
青春不要臉︳周星馳伯樂黃栢文親身演出舟仔成名作導演 星爺當年得獎多謝邊個?
青春不要臉︳周星馳伯樂黃栢文親身演出舟仔成名作導演 星爺當年得獎多謝邊個?
青春不要臉︳周星馳伯樂黃栢文親身演出舟仔成名作導演 星爺當年得獎多謝邊個?

《青春不要臉》入面,監製林肯搵返《霹靂先鋒》導演黃栢文飾演賞識舟仔嘅鬼導,就連舟仔同鬼導試戲嘅段落,都真係《霹靂先鋒》其中一幕。劇中鬼導向舟仔解釋,自己第一次升做導演拍電影,所以寧願搵個新人參演,好過俾大明星壓住。黃栢文早前受訪時講返當年選角原因,原來同《青》對白所講嘅一模一樣。黃栢文又提到,本來屬意另一位當時同樣剛剛由電視台轉戰影壇、而家成為巨星嘅男演員,但因為撞期拍唔成。呢段枝節都幾似《青春不要臉》入面,舟仔嘅角色本來係想搵榮仔(柳德榮,余德丞飾)做嘅劇情。

青春不要臉︳周星馳伯樂黃栢文親身演出舟仔成名作導演 星爺當年得獎多謝邊個?
青春不要臉︳周星馳伯樂黃栢文親身演出舟仔成名作導演 星爺當年得獎多謝邊個?
青春不要臉︳周星馳伯樂黃栢文親身演出舟仔成名作導演 星爺當年得獎多謝邊個?
青春不要臉︳周星馳伯樂黃栢文親身演出舟仔成名作導演 星爺當年得獎多謝邊個?
青春不要臉︳周星馳伯樂黃栢文親身演出舟仔成名作導演 星爺當年得獎多謝邊個?
青春不要臉︳周星馳伯樂黃栢文親身演出舟仔成名作導演 星爺當年得獎多謝邊個?

黃栢文本身都係TVB藝訓班畢業,同屆同學有呂良偉、陳玉蓮、廖偉雄等,後來轉投電影界,同李修賢合作無間,做勻演員、策劃同導演。執導《霹靂先鋒》之後,黃栢文再搵周星馳拍《風雨同路》,後來黃栢文因為患癌退居幕後,90年代中期移民加拿大,千禧年回流,到2012年簽約TVB成為藝員。值得一提嘅係,原來黃栢文同著名填詞人黃偉文份屬堂兄弟!

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!