青春不要臉︳80年代娛圈考古 周星馳同邊個一齊考藝訓班 TVB先係萬梓良出道之地?

青春不要臉
青春不要臉

TVB劇《青春不要臉》以80年代無線藝訓班做故事背景,搵一班新晉藝員飾演當年喺大台出身嘅藝人,以懷舊題材力推新面孔,似乎反應唔錯。當中有幾多人物關係同故事背景係真係假?一齊考古!

「舟仔」老死唔係「榮仔」?!

青春不要臉
青春不要臉

劇中游輕舟(舟仔,丁子朗飾)一聽語氣就知係影射周星馳,現實星爺當年的確考過幾次藝訓班,不過同佢一齊考嘅老死,唔係後來拍《神鵰俠侶》走紅、以劉德華為藍本嘅榮仔(柳德榮,余德丞飾),而係梁朝偉先真。梁朝偉多年前做訪問時提過,同周星馳少年時代係朋友,1982年周星馳陪梁朝偉考藝訓班,點知梁朝偉被取錄自己就冇份。失落過後,有傳周星馳透過另一位亦都入讀藝訓班嘅朋友戚美珍介紹,終於被取錄修讀夜班藝訓班。

「老大」回巢TVB爆紅

青春不要臉
青春不要臉
青春不要臉
青春不要臉

舟仔榮仔嘅同學楊子萬演技突出兼夠晒肉緊,以角色表現同埋個名(試下將楊子萬三個字掉轉讀)都唔難估到係講緊萬梓良。好多人以為萬子哥喺亞視(1982年前稱為麗的電視)拍過唔少劇集成名再跳槽,但原來萬子哥真係讀過TVB藝訓班,再轉到麗的再進修,遇上佢嘅戲劇恩師鍾景輝。1983年萬梓良重返TVB,後來憑《流氓大亨》等多套劇集走紅。

現實中周星馳同萬梓良當然唔係平輩,不過萬子哥視星爺係徒弟,一直相當照顧,甚至喺《他來自江湖》中以內歛演出烘托周星馳同吳孟達嘅喜劇式演繹,造就佢地成為劇集亮點。周星馳首次執導嘅《喜劇之王》都搵過萬梓良演出,但因為種種原因,角色由吳孟達頂上,但電影完場時亦有特別鳴謝萬子哥。

流行金曲穿越時空?

青春不要臉
青春不要臉
青春不要臉
青春不要臉

劇情以「榮仔」「舟仔」由藝訓班初出茅蘆為起始,估計背景應該係80年代初期,但劇中穿插1986年推出嘅《跳舞街》、《妖女》、《再見PUPPY LOVE》等歌曲。而劇中嘅電話亭係鍵盤式,而非80年代初普遍使用嘅撥號式,睇到觀眾好錯亂。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!