靚湯提早慶生高呼「我大晒！」 48歲煒哥晒白滑靚肌 撼贏後生女

【星島日報報道】馬德鐘在新劇《雙生陌生人》中一人分飾兩角成為話題，而劇中女主角及年輕版演員陣容同樣成為焦點，其中48歲「凍齡女神」陳煒獲網民大讚狀態弗爆。另一女主角湯洛雯（靚湯）明天（6日）35歲生日，前晚分享亮相提早慶生，高呼「生日月，我大晒」，卻未見男友馬國明身影。

文：娛樂組

劇中一開始飾演馬德鐘太太的陳煒，已跟飾演心機女律師的蔣家旻大晒本錢，齊齊以低胸高貴晚裝盡展弗爆身型，48歲的煒哥驚艷登場，面對32歲的蔣家旻，不但未顯老，更與對方同樣白滑，獲網民封「凍齡女神」。保養得宜的煒哥曾大方公開保養秘訣，除了勤護膚亦好注重飲食健康，親自下廚亦會避免食刺激性食物，還經常以滋潤湯水進補，更會聽音樂和行山紓壓，動靜兼備。

此外，另一女主角靚湯明天35歲生日，前晚已提早開始慶生，更在社交網貼慶生照，見她手捧一大束花，甜笑與蛋糕合照，留言：「生日月，我大晒。」但未見男友馬國明的蹤影，網民期待他會為女友送上甚麼驚喜，不少人留言向靚湯催婚。

羅毓儀獻熒幕初吻

至於黃庭鋒、倪嘉雯和羅毓儀分別飾演馬德鐘、陳煒和湯洛雯的年輕版，深受網民喜愛。為了演出劇中馬神和靚湯年輕時愛得難捨難離，羅毓儀的吻戲及床戲就挑起網民神經，留言笑謂：「還我羅毓儀熒幕初吻。」羅毓儀對此回應：「角色原本由另一位演員演，但佢後來因某啲原因辭演，所以我接的時候好急，唔係好夠時間做功課，都好擔心出嚟效果。今次係我第一次演愛情戲同埋有吻戲，所以好緊張，有啲位做得唔係好好，庭鋒見到會叫我放鬆啲唔好太擔心，佢係一個好好嘅對手。」她又坦言喊戲亦是一大挑戰，驚喊不出來而壓力大。

■48歲的煒哥狀態弗爆，換上低胸裝非常吸睛。

■羅毓儀獻出熒幕初吻。

■煒哥和馬神劇中造型襯到絕。

■徐榮劇中暗戀靚湯，但靚湯卻對初戀馬神念念不忘。

娛樂