靚湯馬國明翹實 連體放閃

東方日報
·1 分鐘文章
靚湯同馬國明糖黐豆,冧爆舉V。
靚湯同馬國明糖黐豆,冧爆舉V。

前晚台慶夜眾藝人一對對進場,馬國明、湯洛雯(靚湯)卻被「拆散鴛鴦」,不過這對熱戀中的情侶在台上忍不住頭貼頭密密斟,靚湯更公然又翹又拖男友!他們完騷後繼續放閃,拖實手返回化妝間,認真癡纏!

而劉佩玥與劉溫馨在台慶成為「搞笑孖寶」,劉佩玥興奮到跳起,卻踏空跌落前排,劉溫馨則在表演期間甩鞋,她事後受訪時表示:「我跳跳吓發現右腳鞋底甩咗,多謝余德丞幫我執生,呢次台慶真係好難忘,從來未試過咁蝦碌!」「雙劉」放笑彈,擔任司儀的陳貝兒則有烏龍事。穿白色Tube Dress上陣的她,裙子漸漸滑落,令她露出兩邊胸墊!陳貝兒坦言太大意,慶幸沒有走光。