「靚聲王」張偉文昨連人帶輪椅倒地受傷 暴瘦坐輪椅照曾於網上瘋傳

·2 分鐘文章
「靚聲王」張偉文昨連人帶輪椅倒地受傷 暴瘦坐輪椅照曾與網上瘋傳
「靚聲王」張偉文昨連人帶輪椅倒地受傷 暴瘦坐輪椅照曾與網上瘋傳

現年63嘅「靚聲王」張偉文,近年因病患困擾,身形比起昔日消瘦不少,需要倚靠輪椅及拐杖代步。去到噚日,有報道指張偉文喺所住嘅護老院樓下跌倒,隨即被白車送往醫院救治。佢喺接受傳媒訪問時話因輪椅行得唔順,所以連人帶輪椅打觔斗跌咗落地下。佢於即日由朋友陪同下離開醫院時,向傳媒聲稱受傷位置係心口後面,並無大礙。

張偉文於1978年參加歌唱比賽,憑演繹《離別的叮嚀》獲得冠軍後入行,推出多張唱片都得到不少樂迷喜愛。佢喺80年代曾一度退居幕後做和音歌手,去到2003年先復出幕前,每逢開演唱會都座無虛席,專輯更成功獲白金銷量,更憑其雄厚嘅聲線,獲得「靚聲王」嘅美譽。高峰期曾重達260磅嘅張偉文,喺2015年身體開始出現毛病,受到腰患、糖尿病及腳痛困擾,需進行手術,其後要依靠輪椅代步,一度深居簡出。熱愛音樂嘅佢,近年雖然行動不便,不過仍然堅持舉行多個演唱會。上年被網民影到佢坐輪椅現身旺角街頭,當時佢身型暴瘦,體重更只有90磅,唔少網民見到都非常擔心佢嘅健康狀況。

張偉文
張偉文
張偉文 (網絡圖片)
張偉文 (網絡圖片)
張偉文 & 陳永業
張偉文 & 陳永業
張偉文 & 區瑞強
張偉文 & 區瑞強
張偉文 & 呂珊
張偉文 & 呂珊

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!