早一兩年開始，有人諗到喺非洲地區，

搵小朋友代讀賀詞、生日祝福，甚至係廣告訊息以至求婚說話（中文喎），

然後收返委託人一筆。

因為條橋幾有趣，又唔係貴，唔少人幫襯過。

美國就有公司，就將呢條橋改頭換面，

成為初創企業，仲得到投資者泵水支持，而家估值3億美金（約港幣23.4億）！

公司名叫Cameo﹐即係電影電視入面客串嘅小角色咁解。

Cameo就係將頭先講嘅「非洲兒童祝福你」構思變得華麗，

搵名人拍片，幫你讀出想由佢地開口講嘅信息。

佢地嘅名人陣容都唔嘢少，包括NBA經典、同李小龍對打過嘅一代球星渣巴；

知名Rapper Snoop Dogg、《哈利波特》嘅馬份Tom Felton等15000位名人，

暫時以北美為人熟悉的名字居多，但係都會開拓亞洲、歐洲同南美市場，

目標係要有500萬個名人參與，仲希望連A grade人物都落搭！

每次服務收費5蚊美金（約港幣39元）至3000美元（約港幣2萬3千元）。

例如「馬份」拍條片就收＄333美元（約港幣2600元）

Cameo喺每單交易抽伷25％，而家已經完成30萬宗，

可想而知幾和味！

唔知諗出呢條橋嘅天才，有冇揼心口？

原文傳送門