非馬迷記者問馬迷

星島日報

【星島日報報道】小弟算略有知名度(唔怕醜!),故久不久就有各大傳媒記者要求訪問退休心得、抑鬱病驚恐症、眼中風治療法、投資心得、飲食經驗、旅遊大趨勢 其中一瓣,正是有關我的嗜好——賽馬。不過,如今傳媒普遍緊縮開支,故請的記者,多二十歲出頭,冇人生經驗,又冇專業知識,只跟老總掟個任務落 就匆匆上馬,分分鐘同一日要訪問N個人,所以預備工作極粗疏,間中,我遇到的,根本可能佢想問乜都唔知。

上周搞笑,某報派 位非馬迷女記者仔約訪問,要求就馬會最新重點發展——從化馬場畀意見。好 ,當幫幫人,於是,應承佢做。

結果,變 唔係佢訪問我,係我「教育」佢!

記者:「曾先生,馬會從化訓練場耗資三十幾億元,仍未埋單,這項建設,對香港人尤其普羅市民有乜好處呢?花咁多錢,又有乜意見呢?」

阿碌:「香港馬會每季投注額千幾億元,對比之下,三十幾億元,相當濕碎。若能有助賽馬事業及慈善事業發展,莫講三十幾億元,就算三百幾億元都超值!因為馬會乃全球最大的慈善機構之一,幾十萬馬迷包括我心甘情願場場『捐獻』,除得到娛樂外,更可間接行善。」

「善款惠及全港大中小學、醫院、護老院、體育康樂文化、家庭服務、扶貧救急、青年事務持續發展 資深馬迷肯定位位皆樂於不停捐獻。馬會運作得益的,是全港市民,意義宏大。此外,馬會每年納龐大稅款作發展香港之用。非馬迷雖然『坐享其成』,且間中胡亂揶揄,冇問題,我只希望大家發出『井底蛙』批評時,先了解馬會的使命及存在價值!」

講完!嘻嘻,夏蟲可能難以語冰。

睇返明天開鑼個局,我特別睇好蘇偉賢、沈集成及大摩三個馬房。反而,告仔出馬多,只似Warm Up。

副刊

其他內容