非一般港女 杜如風學生年代威水史

由杜如風主持的旅遊節《關西攻略》近日熱播中,其實拍攝節目期間杜如風父親杜惠東(人稱杜Sir) 因病離世,所以杜如風一開始就先多謝爸爸支持佢嘅工作,又話爸爸希望佢以正能量將快樂帶俾大家!

大家都知道杜如風好有個性,說話方式同動作勁浮誇,年前喺旅遊節目《東京首爾》入面狂晒自己幾有米有幾多名牌,隨即被封為「世界級港女」!

雖然鏡頭前的杜如風似係個爛玩精、癲癲喪喪又口沒遮攔,不過作家屈穎妍早前在其專欄講述杜如風父親杜Sir生前一啲往事,亦有提及杜如風學生時代的軼事。大家可能知道杜如風分別喺加拿大同日本讀大學,不過就未必知佢當時有幾威水!

續下頁

如欲率先接收資訊,請讚好我們的FB專頁並於「已讚好」選單設定「搶先看」,多謝支持。

網址:www.facebook.com/orientalsundayhk

延伸閱讀

杜如風 世界級金句錄

Call我吖!鄭嘉穎古代照叫雞

話說杜Sir從前經常行船去日本,因此學識日語,回港後做過翻譯日本娛樂資訊的工作。杜如風在旁耳濡目下亦學識日語,佢後來在加拿大讀大學,參加過當地的日語演講比賽,仲拿咗全國冠軍!此外又考取日本文部省獎學金,獲註加拿大駐日本大使的夫人賞識,推薦佢畢業後去東京御茶之水女子大學修讀日本文學。要知道呢一間係非常難入的名校,唔少日本的傑出女性都係畢業於此。

杜如風讀完書回港,杜Sir並無利用自己的人脈將女兒捧成大明星,反而介紹佢去英皇電影做日本電影字幕繙譯及編劇學徒,由低做起,之後一步步踏上成名路。所以話杜如風並不完全係「成功靠父幹」,本身都真係叻女嚟!

全文完

如欲率先接收資訊,請讚好我們的FB專頁並於「已讚好」選單設定「搶先看」,多謝支持。

網址:www.facebook.com/orientalsundayhk