鞏姿希再發揮「心機女」本色 著貼身白Tee撼炎明熹陳凱琳 網民:個主持勁誇張

鞏姿希

日前樂壇小天后炎明熹(Gigi)及陳凱琳(Grace)出席快餐店活動,期間二人除咗大展廚藝之外,更接受TVB娛樂新聞台訪問,不過佢哋嘅畫面就被主持鞏姿希(Krystl)搶晒鏡。

日前鞏姿希以TVB娛樂新聞台主持人身份訪問炎明熹及陳凱琳,Gigi及Grace都以運動造型上陣,不過就著上風褸,而旁邊嘅鞏姿希發揮「心機女」本色,同樣係運動look,不過佢上身只係著上一件超貼身嘅白色tee,露出小蠻腰,感覺健康得嚟又性感。喺三人之中,鞏姿希係最高嘅一位,而身形都係比較優勝,所以網民都留言話「望住個主持,完全聽唔到Gigi同Grace講乜」及「個主持勁誇張」等等。

現年30歲嘅鞏姿希精通廣東話、普通話、英語、日語及韓語5種語言,喺英國倫敦帝國學院修讀日語和活動管理兩個學士課程,以及策略營銷學碩士課程。畢業後回港參選《2018年度香港小姐競選》,雖然20強止步,不過都成功加入無綫,擔任無綫娛樂新聞台主播。另外,佢仲有參與節目及劇集拍攝,例如喺《Do姐有問題》中擔任「問題專員」、《愛·回家之開心速遞》客串飾演補習社老師Megan、《陀地外國人》及《全能司儀選拔大賽2022》等等。

其實鞏姿希都唔係第一次被指發揮「心機女」本色,例如佢喺《明星運動會》參加射箭項目,而當時曾志偉亦有到現場為參賽藝人打打氣,佢喺射箭後轉身向曾志偉擺出一個心心甫士;佢喺《煮.野食》擔任壓軸嘉賓,期間不時同肥媽一齊窒兼寸爆6號話「咩都話女人啱,咁先係好男人嚟,我真係好鍾意呢個節目呀。」唔少網民都話佢充滿機心。

TVB 娛樂新聞台 影片截圖
TVB 娛樂新聞台 影片截圖
TVB 娛樂新聞台 影片截圖
TVB 娛樂新聞台 影片截圖
TVB 娛樂新聞台 影片截圖
TVB 娛樂新聞台 影片截圖
TVB 娛樂新聞台 影片截圖
TVB 娛樂新聞台 影片截圖
鞏姿希
鞏姿希
鞏姿希
鞏姿希
鞏姿希
鞏姿希
鞏姿希
鞏姿希
鞏姿希
鞏姿希
鞏姿希
鞏姿希
鞏姿希
鞏姿希
鞏姿希
鞏姿希
鞏姿希
鞏姿希
鞏姿希
鞏姿希

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!