音樂文青變劇集歌之父 何哲圖由廟街唱片SALES變唱片公司CEO

·3 分鐘文章
音樂文青變劇集歌之父 何哲圖由廟街唱片SALES變唱片公司CEO
音樂文青變劇集歌之父 何哲圖由廟街唱片SALES變唱片公司CEO

自從TVB宣布由曾志偉出任副總經理,負責睇住綜藝節目,外界就傳本來主理呢一瓣嘅助理總經理余詠珊(Sandy),同埋佢老公、TVB旗下星夢娛樂嘅話事人何哲圖(Herman)都會失勢。果然尋日TVB公布,Herman已經辭職做埋今個月尾,余詠珊就轉為業務發展,而曾志偉就一次過「擸」晒兩瓣!

早喺志偉埋位嗰排,已經有消息會搵前TVB「橋王」何麗全同四大唱片公司破冰,務求扭轉過去幾年「星夢幫」壟斷TVB頒獎禮嘅局面。何哲圖創立嘅星夢娛樂,向來被人詬病淨係識做劇集歌或者翻唱歌,不過有份做呢堆「魚蛋歌」嘅Herman,原來曾經係個聽ROCK嘅文青!

Herman幾年前接受專訪,提到音樂同成長經歷。當年佢係名校男拔高材生,學校搵佢帶管弦樂團,但係十幾歲讀中六嘅Herman沉迷英倫音樂,為咗聽多啲歌,居然自己走去英國讀書。仲要係拎個飯煲幾件行李就飛,去到先搵學校,課餘去餐廳打工賺錢買唱片睇show,即使整親腳都要叫朋友抬自己上火車出倫敦睇show,好熱血。

本來文青Herman喺英國讀大學,但係家境有變要返回現實。返到香港Herman繼續沉醉音樂世界,去廟街唱片鋪做Sales,兼職寫樂評。後來入TVB做音樂節目資料搜集,又喺商台開咪主持音樂節目,介紹西洋另類音樂,亦會同本地音樂人交流,會同黃耀明黃家駒食飯傾音樂話題。

音樂文青變劇集歌之父 何哲圖由廟街唱片SALES變唱片公司CEO
音樂文青變劇集歌之父 何哲圖由廟街唱片SALES變唱片公司CEO

後來嘅Herman被外國唱片公司睇中,加入香港分公司幫手做中文歌,包括喺同TVB不和嘅華納及EMI做過總經理。1998年試過退休,但係有日行唱片鋪發現銷量榜冠軍竟然係麥兜,於是有衝動重操故業,並且做勻多間本地公司。2010年創立星夢前身嘅星煥國際,未成為TVB旗下之前,歌手陣容有「巨聲幫」嘅許廷鏗、胡鴻鈞,唱得嘅有關心妍同鄭欣宜,又有謝安琪同農夫呢類本身有人氣嘅單位,亦都試過以project形式同LMF出碟,其實幾多元化。

做過咁多市場主導嘅歌,但係私底下嘅Herman仍然聽非主流音樂,佢認為歌唔應該分係咪大路,最緊要好聽。佢又覺得曾經係星煥歌手嘅鍾嘉欣唱歌有感情,而且賣得好,證明能夠打動人。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!