順勢做「網大」仲好賺？ 甄子丹：對觀眾係眼福嚟！

甄子丹夫婦前晚盛裝出席活動，子丹對於其新作《天龍八部之喬峰傳》於內地網絡平台推出，他並不介意，反而覺得有更多觀眾可以看到作品才最重要。

「宇宙最強」甄子丹與太太汪詩詩前晚出席活動，馮德倫、邱淑貞大女沈月及上山詩鈉女兒Hilary等都有出席。談到有指由他自導自演的電影《天龍八部之喬峰傳》，將改於內地網絡平台上映，子丹說：「不嬲都有咁嘅計劃，因為全世界睇戲文化唔同晒，好多平台選擇，對觀眾係眼福嚟！」他指電影公司有自己盤算安排，將作品帶給最多的觀眾欣賞，問到以「網大」形式上映是否回報更高？他說：「我作為創作人嘅立場，最緊要將部戲拍得最好，當然愈多人睇愈好，咁樣去分享自己嘅創作，未嘗唔係一件好事。（2.2億製作費？）我唔係徐克、張藝謀，冇咁多錢拍！」

團隊榨到乾晒

子丹指自己很幸運，有整個團隊支持：「有影后劉雅瑟同惠英紅，同成個金像獎幕後班底都好信我，好多謝佢哋。」他認為製作費多寡與作品質素不一定成正比，創作力及用心去拍才是重要。至於能否趕及新年檔期面世？他坦言現時非常緊張：「好多後期特技未做，講真我所有班底都已經盡晒力，演員個個都No.1，成個團隊都榨到乾晒，依家希望CG趕得到。」他笑言自己手提電話中有9個群組，清晨5時起床便要開始忙發號施令。