食肆冬至陷絕路 外賣盆菜盡地一煲

港府實施晚市禁堂食令及禁聚令直至本月23日,酒樓生意嚴重受挫。
港府實施晚市禁堂食令及禁聚令直至本月23日,酒樓生意嚴重受挫。

港府防疫無能,市民焗過最寒冬至。政府歎慢板抗疫致疫症肆虐,日前實施晚市禁堂食令及禁聚令更橫跨冬至,各行各業叫慘。食肆未能開辦冬至晚市,收入大減9成,只能靠售賣盆菜及外賣「吊命」;有經營盆菜負責人直指,今年只有約100張「細盆」盆菜訂單,生意較去年大減8成;海味街不少店舖門可羅雀,有店主大嘆「搵埋都唔夠交租」。 議員狠批政府防疫不力,令市道出現骨牌式蕭條。圖/文:專案組

「做咗十幾年嚟未試過冬至市道咁差,真係好恐怖!」黃金盆菜飯店負責人鄭水平指今年冬至盆菜訂單只有約100張,較去年同期約600張,大減逾8成;市民為減少人群聚集,今年大多購買4至5人分量的盆菜供一家人食用,以往為款待親朋好友而購買「大盆」盆菜的訂單僅零星數張,「好彩我哋多熟客,都叫勉強可以回到本,但基本上真係冇錢賺。」他直言擔心疫情持續,希望來年新年生意會較今年冬至及中秋好。

盼新年前遏疫 否則執笠更多

政府日前規定食肆晚市禁堂食直至本月23日,酒樓生意嚴重受創。香港餐務管理協會會長楊位醒坦言,以往冬至及新年是中式酒樓生意最暢旺的日子,很多市民會預約酒樓吃團年飯,但今年受疫情影響,酒樓未能在冬至開放晚市,預計今年冬至生意額會大跌9成。他直指從業近50年,即使是沙士及金融風暴亦未曾試過如此差市道,「連過冬咁重要嘅日子我哋都失去埋,如果疫情唔可以喺新年前受控,我相信唔少酒樓會執笠。」

「政府喺酒樓嘅旺季(冬至)實行一個咁嘅措施(禁堂食令),對我哋中式酒樓嘅打擊真係好大。」為挽救冬至市道,有中式酒樓推出盆菜套餐及外賣,楊估計盆菜及外賣生意或可挽救一至兩成生意,雖然無法幫補太多,但聊勝於無。他指政府在疫情期間有幫補飲食業,但防疫措施朝令夕改,令業內人士無所適從。

海味店拍烏蠅 減價亦少人吼

以往冬至除會出外用膳過節外,有人亦會購買海味「加餸」,但疫情下經濟低迷,不少市民在購買貴價食材時更謹慎,今年海味業界大嘆生意未如理想。日前周末,記者到訪上環海味街,看見不少店舖「拍烏蠅」,即使減價促銷,亦未見有太多客人光顧。

「自上環有海味街以來,從未見過有一年生意差成咁。」經營海味店十多年的許先生坦言,今年生意大減9成以上,連冬至等旺季亦未能帶動生意,慨嘆生意難做,有些日子甚至只有一、兩宗生意,「大多數時間1,000蚊以上嘅生意都係一單起兩單止。」他批評政府提供的補貼多數小商戶未能受惠,因多數用於交租,「賺埋都唔夠交租。」

「捱唔住都要捱o架啦!」同區另一海味店店主傅桂文亦表示經營生意近20年,今年是有史以來生意最差的一年,生意至少失去一半,以往冬至前夕會「做到唔停手」,今年市民卻大多只看不買,或者只買低價貨品,現時只能依靠熟客生意,勉強維持開支。

措施唔湯唔水 議員促增支援

議員柯創盛批評政府抗疫措施「唔湯唔水」,未能有效遏止疫情及支援各行各業需要,抗疫措施有落差令市道飽受衝擊,令市民在冬至及聖誕節亦未能開心度過。他促請政府檢討現行防疫抗疫措施,並強調若經濟長時間未能復甦,未來重啟經濟將十分困難。另一名議員邵家輝亦直指,政府抗疫不妥善,令各行各業面對一波又一波疫情及經濟衝擊,他促請政府加強支援受影響的行業,尤其是食肆及被勒令關閉的處所,否則當大規模結業潮及裁員潮出現時,將難以挽回。



鄭水平指今年冬至盆菜訂單只有約100張,較去年同期大減8成。
鄭水平指今年冬至盆菜訂單只有約100張,較去年同期大減8成。
受疫情影響,以往冬至前夕市道暢旺的海味街門可羅雀,即使減價促銷亦乏人問津。
受疫情影響,以往冬至前夕市道暢旺的海味街門可羅雀,即使減價促銷亦乏人問津。
楊位醒預計酒樓今年冬至生意額會大跌9成,直指從業近50年未曾試過市道這麼差。
楊位醒預計酒樓今年冬至生意額會大跌9成,直指從業近50年未曾試過市道這麼差。
許先生大嘆生意難做,連冬至等旺季亦未能帶動業務。
許先生大嘆生意難做,連冬至等旺季亦未能帶動業務。


【相關搜尋】盆菜外賣推介