養家負擔大 慳得就慳 連詩雅攞正牌放閃 爆家樂送戒指

連詩雅戴着未婚夫陳家樂送的戒指出席活動,間接放閃。
連詩雅戴着未婚夫陳家樂送的戒指出席活動,間接放閃。

準人妻連詩雅昨日悉心打扮出席活動,她自言有養家負擔,故向來是慳妹一族,身上首飾均有贊助及粉絲送,每年只吃幾次貴價日本菜已覺奢侈,但她冧爆指手上的名牌戒指是另一半陳家樂所送,甜到漏!

連詩雅昨日出席商場活動,穿上露肩連身短裙騷長腿,吸睛度爆燈。她坦言早前受疫情影響致收入大減,幸防疫措施放寬後工作增多,笑指一直有養家負擔,早前一度以積蓄過活:「我本身都好慳,身上首飾都係粉絲同朋友送畀我嘅生日禮物,不過我一年都會有幾次出去豪食日本菜,要過千蚊一位,對我嚟講係好奢侈。」隨即自爆左手戴的名牌戒指是未婚夫陳家樂贈送,間接放閃!

即將單拖主持15集愛情節目的她擁有豐富戀愛經驗,問到會否分享自身經歷?她說:「節目入面唔係只講愛情,會講生離死別同親情,我都30幾歲人,可以接觸啲比較嚴肅嘅話題,相信從中會學到嘢。」

黎峻獲謝霆鋒教開槍

而英皇新人黎峻與洪助昇亦有現身,黎峻透露將拍攝張家輝孭飛的新片,近日正努力健身,挑戰體能極限,雖然未知與家輝有否對手戲,但身為對方粉絲,能夠參演同一部作品已感高興。談到片中不乏槍戰戲份,他表示早前獲師兄謝霆鋒傳授開槍竅門:「佢叫我先向天開3槍,之後再開槍就唔會眨眼。」而洪助昇透露忙於準備跳唱新歌,大感壓力,他說:「驚首歌達唔到大家喜愛程度,不過跳番舞比想像中開心,因為以前跳舞要面對比賽好大壓力,依家就會享受。」

黎峻(左)為拍電影狂操肌,洪助昇則勤練舞功拍MV。
黎峻(左)為拍電影狂操肌,洪助昇則勤練舞功拍MV。