餐廳倒閉潮 美國超過6成餐廳12月交唔到租
一場疫情令全球飲食業受重挫,唔知幾多知名及老牌餐廳已經相繼倒下,最近一項研究更表示美國有61%餐廳都無力支付12月租金!
波士頓研究公司Alignable就今年6月開始定期追蹤疫症下嘅餐廳情況,最近報告指出全美餐廳有61%唔能夠支付12月租金,而11月時嘅數字僅有42%,短短一個月大增19%,而且餐飲業係各行各業交唔起租比率最高嘅行業,可見受影響最深。各餐廳都謀求出路,好大部分都自行同業主求情協商遲交租,亦有好多係向員工開刀包括裁員及減薪,亦有唔少餐廳目前只能寄望政府出錢打救「餐廳平均每日只有300美金外賣收入,嚴重入不敷支。」研究公司話業主肯唔肯接受餐廳遲交租就係餐廳生死存亡嘅關鍵呢!
相關文章: